Mateo 27:2 - Porciones del Nuevo Testamento

² Mawũẽ juwua tãjʉ̃ ededꞌape Pilatoa chãbꞌarisidꞌa Roma bidꞌata nokꞌoa.

Mateo 27:2 Kruisverwysings

Mateo 20:19

Aramaʉ̃ne mʉrã chãbꞌaridꞌaya judíorã ẽãta bꞌea, mʉrã ãzhima sewakꞌau bꞌʉdꞌeba udꞌaya, cruzdꞌe kꞌachidꞌaya, mawũãmina ewari ũbeadꞌe beudꞌata piradrʉya.

Mateo 28:14

Maʉ̃ta nokꞌo Pilatoba ũrĩrã, daita izhi bawara bedꞌeakuaya, marã daibara aramaʉ̃ne kꞌarebadꞌaya.

Lucas 13:1

Maʉ̃ ewadera ʉ̃kʉrʉ mama kꞌopanʉbara Jesúa nebʉrʉsidꞌa Galilea bidꞌarã sãwũã berabꞌaridꞌata, Pilatoba beabigasia, mawũẽ maʉ̃rã wara poerasia ãzha nendʉwʉrʉ Daizezeita ba kꞌobꞌe wa ũme.

Lucas 20:20

Mawũẽ zhãrãta zokꞌasidꞌa Jesúa biarã kĩrãkꞌa bedꞌeadꞌamarẽã, aramaʉ̃ne wãẽã bedꞌeabidꞌape chãbꞌaridꞌaita nokꞌo Roma bidꞌata bꞌʉa.

Lucas 23:1

Mobebʉrʉ jõma piradrʉdꞌape Jesús edesidꞌa nokꞌo Pilatoma.

Lucas 23:12

Maʉ̃ ewadera Pilato Herode ũme ibiadꞌe bꞌasidꞌa naara zhi jurata pananata.

Lucas 3:1

Tiberio César Romanebema reyta bꞌʉta quince año babʉrʉdꞌera nokꞌorã izhi edre bꞌeta Poncio Pilato nokꞌota bꞌasia Judea druadꞌe, Herode reyta bꞌasia Galilea druadꞌe, zhi mebea Felipe nokꞌota bꞌasia Iturea druadꞌe, dewara Traconite druadꞌe. Lisania nokꞌota bꞌasia Abilinia druadꞌe.

Juan 18:12

Mobebʉrʉ soldaorãbara ãzhi nokꞌo bawarauba Daizeze de akʉbadata judíorãne bawarauba Jesús jidadꞌape jʉ̃sidꞌa.

Juan 18:24

Mobebʉrʉ Anás sacerdote wagꞌauta bꞌadꞌabara jʉ̃ diabuesia Caifás sacerdote wagꞌauma.

Juan 18:28

Caifás de maẽbara Jesús edesidꞌa nokꞌo dedꞌa soldaorã tabꞌʉidꞌu. Maʉ̃nerã diapedꞌa nʉmasia. Judíorã Jesús ededꞌapeadꞌara maʉ̃ dedꞌara edꞌa wãna ẽbasia. Ãzhima aramaʉ̃nerã Daizeze kĩrãbita mitia ẽãba kꞌo bꞌeidꞌe bꞌasia Egiptodꞌeba ẽzoadꞌata krĩcha kꞌobadara.

Hechos 12:6

Herodebara kꞌawua oita nrũẽma ãĩ edaidꞌera, maʉ̃ diamasera Pedrora soldaorã juwuama jʉ̃ kꞌãĩ bꞌasia soldaorã ũme ẽsadra, aramaʉ̃ne jʉ̃ bꞌasia cadena ũmeba, maʉ̃ne soldaorã dewaraurãbara puerta kĩrãbita akʉ bara bꞌasia cárcel nʉmʉrã.

Hechos 21:33

Aramaʉ̃ne soldaorã nokꞌota wagꞌaubara orrape jidabʉrʉta jarasia jʉ̃namarẽã cadena ũmeba. Mobe zhãrã kꞌobꞌea widꞌisia kꞌai kꞌawuaita, kꞌãrẽ odꞌata.

Hechos 22:25

Mawũãmina udꞌaita jʉ̃bʉdadꞌera Pablobara soldaorã nokꞌota mama kꞌobꞌʉa mawũãsia: ¿Roma bidꞌara marãã ubi panʉka sãwũã oita jaradꞌa ẽwedꞌara?

Hechos 22:29

Aramaʉ̃ne izhi uita kꞌobꞌeadꞌabara idaribisidꞌa. Soldaorã nokꞌota wagꞌaubara mawũã Roma bidꞌata kꞌawuape izhisidꞌa perasia jʉ̃bidꞌaba.

Hechos 24:27

Aramaʉ̃ne año ũme babʉrʉdꞌera Félix nokꞌota bꞌadꞌara kenabꞌaribʉrʉba chãbꞌarisia Porcio Festoa. Félix judíorã bawara bia bꞌa krĩñaba cárceldꞌe ãmaẽsia Pablora.

Hechos 28:20

Maʉ̃ kꞌarea mʉãrã marãta trʉ̃kuasia marã ũduita, marã bawara bedꞌeaita. Zhãrã Ẽdrʉbita Israel bꞌeba jʉ̃ã bꞌedꞌebema kꞌarea mʉrã kꞌãwũã jʉ̃ bꞌʉa naʉ̃ cadenaba.

Hechos 3:13

Daizeze Abraham Zhibariba, Isaac Zhibariba, Jacobo Zhibariba, dazhirã zhibarirã bꞌeadꞌa Zhibariba, izhi Warra Jesús zhi zromata bꞌʉsia, maʉ̃ marãbara beadꞌamarẽã chãbꞌaribʉdata Pilatoa idaribidꞌa ẽbasia izha ẽnaĩrã.

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.

Hechos 9:2

Mobe kꞌarta widꞌisia de zhi jʉrebadata Damasco pʉwʉrʉdꞌe nʉmeza wãĩta, aramaʉ̃ne zhũmakĩrãrãta, wũẽrãrãta, Jesús pẽwã bꞌeta ũdura jidakua weita Jerusalénʉẽna.