Mateo 26:18 - Porciones del Nuevo Testamento

¹⁸ Mawũãnaĩ izhara mawũãsia: Pʉwʉrʉedꞌa wãũdua ũmakĩrã mʉ ũdukꞌawuama, mobe mawũãũdua: Miã Ũrãgꞌabariba mawũãsia: Mʉ bebura kꞌaita basia, mawũẽ fiesta zhikota mʉãrã bʉ dedꞌa oya mʉã jʉrʉkuadꞌa bawarauba.

Mateo 26:18 Kruisverwysings

Mateo 21:3

Iabꞌaʉba widꞌira mawũãũdua: Nokꞌoba nesidꞌakuabʉrʉa, nane diabꞌarikuaya.

Mateo 23:10

Miã krĩña bꞌearãũdua marãta nokꞌó adꞌaita, marãne Nokꞌora abꞌabai bꞌʉ baera mʉta zhãrã Ẽdrʉbita.

Mateo 23:8

Mawũãmina marãbara krĩña bꞌearãũdua marãta Miã Ũrãgꞌabari adꞌaita, marãne Miã Ũrãgꞌabarira abꞌabai bꞌʉ baera mʉta zhãrã Ẽdrʉbita, waya marã jõma mebẽrãta bꞌea.

Mateo 26:19

Izha jʉrʉkuadꞌabara osidꞌa Jesúsba jaradꞌadꞌe, zhikora aramaʉ̃ne osidꞌa Egiptodꞌeba ẽzoadꞌata krĩcha fiesta obadata.

Mateo 26:2

Marãbara kꞌawua bꞌea Egiptodꞌeba ẽzoadꞌata krĩcha fiesta obadata ewari ũmene odꞌaya. Mʉ Beubari Bape bꞌʉra maʉ̃ne chãbꞌaridꞌaya cruzdꞌe kꞌachi beadꞌamarẽã.

Mateo 26:49

Mawũẽ aramaʉ̃ta Jesús orrape mawũãsia: ¡Miã Ũrãgꞌabari kʉa! asia. Mobe kĩrãma nigasia.

Marcos 5:35

Jesús wadꞌi bedꞌea kꞌobꞌʉdꞌe zhãrã ʉ̃kʉrʉ zesidꞌa de zhi jʉrebada maẽ nokꞌo dedꞌauba, mobe mawũãsidꞌa: Bʉ kꞌaura beudogꞌoa, ¿mawũẽ kꞌãrẽã miãsẽã bedꞌea nʉmaĩpe Miã Ũrãgꞌabaria?

Lucas 22:53

Mʉ marã bawara ewariza Daizeze dedꞌa ewara maẽ bꞌasidꞌera marãbara mʉrã jidadꞌa ẽbasia. Mawũãmina marãba kꞌãwũã odꞌai ewaria, Daizezeba idaribibʉrʉba ãtõmiãba zarea kꞌãwũã oi ewaria.

Juan 11:28

Mawũãpe Martabara zhi mebea María trʉ̃ne wãpe chupea mawũãsia: Miã Ũrãgꞌabarira nama bꞌʉa, bʉta trʉ̃ kꞌobꞌʉa.

Juan 12:23

Mawũẽ Jesúsbara panaʉ̃ mawũãsia: Ewarira arabasia mʉ Beubari Bape bꞌʉra beudꞌata piradrʉpe ʉ̃taa wãĩta.

Juan 13:1

Egiptodꞌeba ẽzoadꞌata krĩcha fiesta obada nawedꞌa, Jesúsbara kꞌawua bꞌasia ewari arabata naʉ̃ ẽjũãnebara zhi Zezema wãĩta, izhi pẽwã bꞌeta naʉ̃ ẽjũãne bꞌera kʉãgꞌaba kʉãgꞌasia druadꞌe bꞌʉ ewarita jõbʉrʉidꞌu.

Juan 17:1

Jesúsbara maʉ̃ta jarape ʉ̃taa akʉ zhiwidꞌi mawũãsia: Zeze, ewarira arabasia, mawũẽ kꞌawuabigarua mʉ bʉ Warra zhi zromata, aramaʉ̃ne mʉ bʉ Warrabidꞌa kꞌawuabigaya bʉra zhi zromata.

Juan 20:16

Mawũãĩ Jesúsbara mawũãsia: ¡María! Mawũãĩ pʉrʉwape izhara mawũãsia: ¡Raboni! Maʉ̃bara jara krĩña bꞌʉa Miã Ũrãgꞌabarita.

Juan 7:30

Mawũãbʉrʉ kꞌarea Jesús jida krĩñasidꞌa, mawũãmina miõba jida ẽbasia wadꞌi araba ẽãba izhi ewarita.

Juan 7:6

Mawũãnaĩ Jesúsbara mawũãsia: Mʉrã wadꞌi wãĩne bꞌʉ ẽã, mawũãmina marã baridu ʉ̃madaudꞌe wã bꞌeya.

Juan 7:8

Marã wãrĩzeudua fiestaidꞌu, mʉrã wadꞌi wãrĩze ẽã maʉ̃ fiestaidꞌura, mʉ wãĩ ewarira wadꞌi araba ẽã.