Mateo 23:8 - Porciones del Nuevo Testamento

⁸ Mawũãmina marãbara krĩña bꞌearãũdua marãta Miã Ũrãgꞌabari adꞌaita, marãne Miã Ũrãgꞌabarira abꞌabai bꞌʉ baera mʉta zhãrã Ẽdrʉbita, waya marã jõma mebẽrãta bꞌea.

Mateo 23:8 Kruisverwysings

Mateo 10:25

Biga ne kꞌawa bꞌʉta nʉmʉbʉrʉ izhi ne jaradia bꞌʉ kĩrãkꞌa, biga nezokꞌata nʉmʉbʉrʉ izhi nokꞌo kĩrãkꞌa. Aramaʉ̃ kĩrãkꞌa mʉ zhidekʉta Beelzebú apanʉbʉrʉ, ¡audre jaradꞌaya marã mʉ dedꞌabema!

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 23:10

Miã krĩña bꞌearãũdua marãta nokꞌó adꞌaita, marãne Nokꞌora abꞌabai bꞌʉ baera mʉta zhãrã Ẽdrʉbita.

Mateo 23:7

Ãzhi wawia saludꞌaita krĩñadea pʉwʉrʉdꞌe kꞌabana maẽrã. Krĩñadea zhãrãba ãzhira Miã Ũrãgꞌabari adꞌaita.

Mateo 26:25

Mawũãĩ Judabara zhi chãbꞌariibara mawũãsia: ¿Miã Ũrãgꞌabari, mʉka? Mawũãĩ Jesúsbara mawũãsia: Ara bʉzha jarabʉrʉa.

Mateo 26:49

Mawũẽ aramaʉ̃ta Jesús orrape mawũãsia: ¡Miã Ũrãgꞌabari kʉa! asia. Mobe kĩrãma nigasia.

Marcos 10:51

Mawũẽ Jesúsbara mawũãsia: ¿Bʉara mʉã kꞌãrẽta oita krĩñape? Mawũãĩ daʉbꞌerrea bꞌʉbara mawũãsia: Miã Ũrãgꞌabari, mʉta ne ũdubirua.

Marcos 11:21

Mawũẽ Pedrobara bude bape mawũãsia: Miã Ũrãgꞌabari, akʉdua, bakuru higuera bʉa ikꞌazhirua jaradꞌara bagusia.

Marcos 14:45

Aramaʉ̃ne zepe Jesús orrape mawũãsia: Miã Ũrãgꞌabari. Mobe kĩrãma nigasia.

Marcos 9:5

Mawũẽ Pedrobara Jesúa mawũãsia: Miã Ũrãgꞌabari, biga dazhirã nama kꞌobꞌera, mawũẽ de kꞌãĩdeta ũbea odꞌaya abꞌa bʉita, abꞌa Moiséita, abꞌa Elíaita.

Lucas 22:32

Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.

Juan 1:38

Maʉ̃ne Jesúsbara jẽrũya akʉbʉrʉdꞌe kꞌaidꞌu taidꞌata ũdui mawũãsia: ¿Marã kꞌãrẽta jʉrʉ panʉ? Mawũãĩ ãzhara mawũãsidꞌa: Rabí, bʉra ¿sãma bꞌʉ? Rabí bedꞌeabara jara krĩña bꞌʉa Miã Ũrãgꞌabarita.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 11:8

Mawũãĩ izha jʉrʉkuadꞌabara mawũãsidꞌa: Miã Ũrãgꞌabari, dããrã ba ẽã judíorãba bʉra mongꞌaraba tabꞌaridꞌai badꞌapeadꞌara. ¿Maʉ̃ta wakusa maĩnu wãĩka?

Juan 20:16

Mawũãĩ Jesúsbara mawũãsia: ¡María! Mawũãĩ pʉrʉwape izhara mawũãsia: ¡Raboni! Maʉ̃bara jara krĩña bꞌʉa Miã Ũrãgꞌabarita.

Juan 3:2

Maʉ̃ta diamase Jesúsma zepe mawũãsia: Miã Ũrãgꞌabari, daibara kꞌawua panʉã bʉra Daizezeba zokꞌadꞌata miã ũrãgꞌamarẽã, ũdudꞌakꞌata bʉa kꞌãwũã obꞌʉra miõba obꞌe ẽã Daizezeta izhi ũme bꞌʉ ẽbʉrʉ.

Juan 3:26

Maʉ̃rãta Juanma zedꞌape mawũãsidꞌa: Miã Ũrãgꞌabari, Jordán kĩrãrẽ bʉ ũme kꞌobꞌadꞌadꞌebemata bʉa daia jaradꞌabara zhãrã buru kꞌoekua nʉmʉã, mawũẽ jõma izhima ze nʉmʉã.

Juan 4:31

Maʉ̃ẽna izha jʉrʉkuadꞌabara ibiadꞌe jara mawũãsidꞌa: Miã Ũrãgꞌabari, nekꞌorua.

Juan 6:25

Aramaʉ̃ne do jedꞌea õbꞌʉ kĩrãrẽ ũdudꞌape mawũãsidꞌa: Miã Ũrãgꞌabari, ¿bʉra sõmbewedꞌa naĩnu zesi?

Juan 9:2

Mawũẽ izha jʉrʉkuadꞌabara widꞌi mawũãsidꞌa: Miã Ũrãgꞌabari, ¿kꞌazhiruara kꞌaiba osi, naʉ̃ba o zhibarirãba osidꞌakꞌa kꞌãwũã daʉbꞌerrea toira?