Mateo 23:4 - Porciones del Nuevo Testamento

⁴ Miõba aribꞌae bꞌe ẽãta zhãrãã aribꞌaemarẽã jara bꞌea, mawũãmina ãzhara aribꞌaedꞌa ẽã.

Mateo 23:4 Kruisverwysings

Mateo 23:23

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Marãbara menta kiduata, eneldo kiduata, cominota diez bꞌʉabʉdaza abꞌa Daizezea diabada. Mawũãmina audre aribꞌaei bꞌʉra aribꞌaedꞌa ẽã Daizezeba ũrãgꞌa Moiséa diadꞌadꞌe jara bꞌʉra zhãrã sãwũã edai bꞌʉdꞌe edaita, zhãrã sozuburiaita, Daizezedꞌebema ĩjãĩta. Maʉ̃ne maʉ̃trʉ aribꞌae duanaĩne bꞌʉa wuaabema kenabꞌari ẽã aribꞌae bꞌedꞌe.

Mateo 23:3

Mawũẽ kꞌãrẽ aribꞌaeita marãã jarabʉdara jõma aribꞌae oudua. Mawũãmina ãzha obꞌe kĩrãkꞌara orãũdua, kꞌãrẽ jara bꞌera ãzhara aribꞌaedꞌa ẽã.

Lucas 11:46

Mawũãĩ izhara mawũãsia: ¡Daizezebara pua kꞌawua oya marã ũrãgꞌa Moisédꞌe jarabadata bꞌesidꞌa! Marãbara zhãrãã aribꞌaebibada miõba bꞌe ẽãta, mawũãmina mazhara aribꞌaedꞌa ẽã.

Hechos 15:10

Mawũẽ ¿Daizezera kꞌãrẽã bĩ ẽãbidꞌaipe, Jesúsdꞌebema ĩjã bꞌea kꞌãrẽã aribꞌaebidꞌaipe miã dazhirã zhibarirã bꞌeadꞌaba miã dazhirãba aribꞌae bꞌedꞌa ẽãrã?

Hechos 15:28

Jawurebiama, daima bia zesia ne ãmaña jaradꞌa ẽbaita naʉ̃ta aribꞌaeita baradꞌebara: