Mateo 23:16 - Porciones del Nuevo Testamento

¹⁶ ¡Marã Daizezebara pua kꞌawua oya, zhãrã jipa ededꞌa ẽãba daʉbꞌerrea bꞌe kĩrãkꞌa bꞌea! Mawũẽ mawũãbada: Iabꞌaʉba Daizeze de daidꞌu kꞌãrẽ wãrĩnu oita jarape o ẽbʉrʉ kꞌãrẽ ẽã. Mawũãmina iabꞌaʉba Daizeze dedꞌa oro nʉmʉ daidꞌu kꞌãrẽ wãrĩnu oita jarabʉrʉra oibara abada.

Mateo 23:16 Kruisverwysings

Mateo 15:14

Idaribiudua, jipa ededꞌa ẽã Daizezedꞌebema kꞌawuadꞌa ẽãba daʉbꞌerrea bꞌe kĩrãkꞌa bꞌera. Daʉbꞌerrea bꞌʉba daʉbꞌerrea bꞌʉta erbꞌari edera abꞌarika bꞌaedꞌaya zobꞌeadꞌe.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 23:17

¡Marã krĩcha ne ẽã daʉbꞌerrea bꞌe kĩrãkꞌa bꞌea! ¿Sãʉ̃ta zhi zromape orota o Daizeze deta, izhi dedꞌa nʉmʉba Daizezedꞌe ẽka orora?

Mateo 23:19

¡Marã krĩcha ne ẽã bꞌeba daʉbꞌerrea bꞌe kĩrãkꞌa bꞌea! ¿Sãʉ̃ta zhi zromape nendʉwʉrʉta o altar nʉmʉta, altar maẽ kꞌobꞌebʉrʉba Daizezedꞌe ẽka nendʉwʉrʉra?

Mateo 23:24

¡Zhãrã jipa ededꞌa ẽãba daʉbꞌerrea bꞌe kĩrãkꞌa bꞌeba, kʉchikʉchira ãĩ sãpe baniã dobadamina camellota mibue bꞌe kĩrãkꞌa bꞌea!

Mateo 23:26

¡Zhãrã jipa ede ẽãba fariseo bʉra daʉbꞌerrea bꞌʉ kĩrãkꞌa bꞌʉa! Maʉ̃ba vasota, epedꞌekꞌota naara edꞌabemata sʉgʉi kĩrãkꞌa sodꞌeba biata odua, mawũãrã ʉ̃rʉ̃bemasidꞌa zhi sʉgʉma baya.