Mateo 21:11 - Porciones del Nuevo Testamento

¹¹ Maʉ̃nerã zhãrãbara mawũãsidꞌa: Naʉ̃ Jesústa Daizezeba bedꞌeata jarabibaria, Nazaret pʉwʉrʉdꞌebema, Galilea druadꞌebema.

Mateo 21:11 Kruisverwysings

Mateo 2:23

Mawũã wãpe pʉwʉrʉ Nazaret abada maẽ bꞌesia, mawũẽ arimaẽ berabꞌarisia Jesúsdꞌebemata Daizezeba bedꞌeata jarabibarirãba mawũãnapeadꞌata: Izhira Nazaredꞌebema adꞌaya.

Mateo 21:10

Aramaʉ̃ne Jesús Jerusalénne edꞌa wãbʉrʉdꞌera pʉwʉrʉdꞌebema jõma bꞌʉgadrʉ mawũãsidꞌa: ¿Naʉ̃ kꞌaipe?

Mateo 21:26

Dazhirãba zhãrãba zokꞌasia adꞌaisidꞌa, dazhirãbara zhãrãta wawia bꞌea jõmaʉ̃ma Juan Daizezeba bedꞌeata jarabibarita bꞌʉ baera.

Mateo 21:46

Mawũẽ sãwũã jidadꞌaita krĩcha jʉrʉsidꞌamina, zhãrãta wawiasidꞌa zhãrãma Jesús Daizezeba bedꞌeata jarabibarita bꞌʉ baera.

Marcos 6:15

Waya ʉ̃kʉrʉbara mawũãsidꞌa: Kꞌãʉ̃rã Elía. Dewaraurãbara mawũãsidꞌa: Kꞌãʉ̃rã Daizezeba bedꞌeata jarabibaria, Daizezeba bedꞌeata jarabibarirã bꞌeadꞌa kĩrãkꞌa bꞌʉa.

Lucas 13:33

Mʉrã idꞌi, nu, nungunu odꞌe wã Jerusalén wãta, Daizezeba bedꞌeata jarabibarira ãĩrã beadꞌa ẽbaera mʉrã beadꞌaya Jerusalénne.

Lucas 24:19

Mawũãnaĩ izhara mawũãsia: ¿Kꞌãrẽta sãwũãsi? Mawũãĩ ãzhara mawũãsidꞌa: Jesús Nazaredꞌebemata Daizezeba bedꞌeata jarabibarita bꞌasia. Kꞌãrẽ oita bedꞌeata jaraita zhi zroma basia Daizeze kĩrãbita, zhãrã jõmaʉ̃ kĩrãbita.

Lucas 7:16

Mawũẽ jõma peradꞌape Daizeze ibia jara mawũãsidꞌa: Naʉ̃ Jesús Daizezeba bedꞌeata jarabibarita zhi zromata piradrʉbʉrʉa dazhirãne edꞌa. Daizezera zebʉrʉa izhidꞌerãta kꞌarebadꞌe.

Lucas 7:39

Fariseo Jesús trʉ̃naba maʉ̃ta ũdui izhikusa mawũãsia: Naʉ̃ta Daizezeba bedꞌeata jarabibarita bꞌʉbʉrʉ kꞌawua kꞌausia wũẽrã sãwũã bꞌʉba izhi tõbꞌari kꞌobꞌʉta, kꞌazhirua omiãta bꞌʉta.

Juan 1:21

Mawũãĩ widꞌi mawũãsidꞌa: ¿Mobera bʉra kꞌaipe? ¿Bʉra Elíakꞌa? Mawũãnaĩ mawũãsia: Mʉrã maʉ̃ ẽã. Mawũãĩ mawũãsidꞌa: ¿Mobera bʉra Daizezeba bedꞌeata jarabibarita zeita bꞌadꞌakꞌa? Mawũãnaĩ panaʉ̃ mawũãsia: Mʉrã maʉ̃ ẽã.

Juan 1:25

Maʉ̃rãbara widꞌi mawũãsidꞌa: ¿Bʉara kꞌai bedꞌeadꞌeba zhãrã buru kꞌoe bꞌʉ, zhãrã Ẽdrʉbiita bʉ ẽbʉrʉ, miã Elía ẽbʉrʉ, miã Daizezeba bedꞌeata jarabibari ẽbʉrʉ?

Juan 4:19

Mawũãĩ wũẽrãbara mawũãsia: Nokꞌó, mʉma bʉra Daizezeba bedꞌeata jarabibaria.

Juan 6:14

Mawũẽ zhãrãbara ũdudꞌakꞌata Jesúsba mawũã obʉrʉta ũdudꞌai mawũãsidꞌa: Naʉ̃ wãrĩnu Daizezeba bedꞌeata jarabibarita zeita bꞌadꞌa naʉ̃ ẽjũãẽna.

Juan 7:40

Kꞌabanata ʉ̃kʉrʉbara maʉ̃ bedꞌeata ũrĩnape mawũãsidꞌa: Naʉ̃ wãrĩnu Daizezeba bedꞌeata jarabibaria.

Juan 9:17

Mawũẽ daʉbꞌerrea bꞌadꞌaa wakusa mawũãsidꞌa: ¿Bʉara kꞌasia aipe bʉ daʉbꞌerrea bꞌʉta ne ũdubidꞌadꞌebema? Mawũãnaĩ izhara mawũãsia: Mʉma kꞌãʉ̃ Daizezeba bedꞌeata jarabibaria.

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.