Mateo 2:13 - Porciones del Nuevo Testamento

¹³ Chĩdaudꞌeba ne arimaẽ jarabadata wãnapeadꞌa tẽãne, ángel Daizezedꞌeta kꞌãĩmokꞌaradꞌe Joséa zhi ũdubipe mawũãsia: Piradrʉrua, wũãwũã zhi papa ũme edebʉrʉta Egipto druaedꞌa merũ wãrũã, mobe mʉã jarayeedꞌa maĩnu bꞌadua. Kꞌawuarua, Herodebara wũãwũã beaita jʉrʉya.

Mateo 2:13 Kruisverwysings

Mateo 1:20

Izhi mawũã krĩchabʉrʉdꞌera ángel Daizezedꞌeta kꞌãĩmokꞌaradꞌe zhi ũdubipe mawũãsia: José, bʉra rey Davidꞌeba uruta bꞌʉa, María edaira perarãrũã, izhira bꞌiogꞌoasia Jawurebiadꞌeba.

Mateo 10:23

Pʉwʉrʉ abꞌaʉdꞌe marã pẽwã jirpanebʉdadꞌera merũ wãũdua awʉrʉ pʉwʉrʉedꞌa. Mʉã wãrĩnu marãã jaraya, Daizezedꞌebema jara bꞌeta marãbara ma pʉrrʉadꞌa ẽã Israeldꞌe pʉwʉrʉ tabꞌe jõmarã mʉta zei nawedꞌara mʉ Beubari Bape bꞌadꞌata.

Mateo 2:12

Maʉ̃ tẽã Daizezeba kꞌãĩmokꞌaradꞌe jarasia wakusa wãna ẽbamarẽã rey Herodema, mawũẽ ãzhi druaedꞌa jẽrũya jʉ̃drʉsidꞌa o awʉrʉdꞌe.

Mateo 2:14

Aramaʉ̃ne José ʉ̃rʉ̃mape diamase wũãwũã zhi papa ũme edebʉrʉta wãsia Egipto druaedꞌa.

Mateo 2:16

Chĩdaudꞌeba ne arimaẽ jarabadaba izhi sewabʉdata kꞌawuape Herodera kꞌãbãẽã kĩrũsia, mawũẽ warra zakerã año ũmeneba edꞌaa bꞌeta Belénne kedꞌeta, Belén kꞌaita kedꞌeta jõma beakuadꞌamarẽã jarasia. Izhima maʉ̃ añota arimaẽ basia Jesús todꞌa ewarita kꞌawuadꞌadꞌebara chĩdaudꞌeba ne arimaẽ jarabadadꞌeba.

Mateo 2:22

Mawũãmina Arquelao Judeadꞌe reyta bꞌʉta, zhi zeze Herode bꞌadꞌabari bꞌʉta ũrĩpe maĩnu wãĩrã perasia. Maʉ̃ne Daizezeba kꞌãĩmokꞌaradꞌe jarape wãsia Galilea druaedꞌa.

Hechos 10:22

Mawũãĩ ãzhara mawũãsidꞌa: Cornelio soldaorã nokꞌota biata bꞌʉbara Daizeze wawia bꞌʉa, izhira judíorã jõmaʉ̃ba bia jara bꞌea. Ángelba maʉ̃ã jarasia bʉta izhi dedꞌa jũẽbimarẽã bʉ bedꞌeata ũrĩĩta.

Hechos 10:7

Ángel izhi ũme bedꞌea kꞌobꞌape wãbʉrʉdꞌera, Corneliobara izhi nezokꞌarãta ũme trʉ̃sia, Daizezedꞌebema aribꞌae bꞌʉta soldaota abꞌa trʉ̃sia izhi akʉbadadꞌebemata.

Hechos 12:11

Mobebʉrʉ Pedrobara kꞌawuape izhikusa mawũãsia: Idꞌibʉrʉ mʉãrã kꞌawuabʉrʉa, mʉrã wãrãne Daizezebara izhi ángelta zokꞌape ẽdrʉbibʉrʉa Herode juwuadꞌeba, aranaʉ̃ne ẽdrʉbibʉrʉa judíorãba bĩ ẽã oita krĩcha nʉmeneba.

Hechos 12:7

Maʉ̃ne Daizeze ángelta zebʉrʉba ʉ̃nasia cárceldꞌera. Pedrora orrodꞌe tõbꞌari ʉ̃rʉ̃ma mawũãsia: ¡Meserã piradrʉrua! Maʉ̃ daucha cadena ẽneguezoasia juwuadꞌebara.

Hechos 16:36

Cárceldꞌe bꞌeta akʉbaribara maʉ̃ta Pabloa kꞌawuabibʉrʉta mawũãsia: Nokꞌorã bedꞌea araa obadabara jarabuesidꞌa marã ẽnetamarẽã. Mawũẽ marã adu-a wãũdua.

Hechos 5:19

Mawũãmina ángel Daizezedꞌeba diamase cárcel puerta ewa ẽdrʉbigape mawũãsia:

Hechos 7:19

Maʉ̃ reybara sewasia dazhirãta bꞌeadꞌara, zuburia okuasia dazhirã zhibarirã bꞌeadꞌara, ãzhi wũãwũã zhiwidꞌi toma zareadꞌe kenabꞌaribigasia beumarẽã, aramaʉ̃ne eabadꞌa ẽbamarẽã.