Mateo 18:4 - Porciones del Nuevo Testamento

⁴ Aramaʉ̃nerã naʉ̃ wũãwũã kĩrãkꞌa zhi zromane bꞌʉ ẽãta zhi zroma Daizezeta Nokꞌodꞌebemanerã.

Mateo 18:4 Kruisverwysings

Mateo 18:1

Jari ewadera izha jʉrʉkuadꞌabara Jesús orradꞌape mawũãsidꞌa: ¿Kꞌaita audre zhi zromape Daizezeta Nokꞌodꞌebemanerã?

Mateo 18:3

mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Mateo 18:5

Mʉnebemata ĩjã bꞌʉdꞌeba bariduba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa.

Marcos 10:43

Mawũãmina marã mawũã duanaĩne bꞌʉ ẽã, awuarabʉrʉ marãnebema zhi zromata bꞌa krĩña bꞌʉra bꞌaibara dewaraurãta aribꞌaebarita.

Marcos 9:34

Mawũãĩ ãzhira chupeasidꞌa, odꞌe ãzhirãĩnu bĩ ẽã bedꞌeasidꞌa baera kꞌaita audre zhi zroma ʉ̃rʉ̃.

Lucas 14:11

Bariduta zhi zromane bꞌʉra zhi zroma ẽãta bꞌeya, waya zhi zroma ẽãne bꞌʉta zhi zromata bꞌeya.

Lucas 9:48

mawũãsia: Mʉnebema ĩjã bꞌʉdꞌeba bariduba wũãwũã kꞌãwũã bꞌʉta bia edara mʉta bia edabʉrʉa. Mʉta bia edabʉrʉra bia edabʉrʉa mʉ zokꞌadꞌata. Marã jõmaʉ̃nebema zhi zroma ẽãne bꞌʉta maʉ̃ta audre zhi zroma.