Mateo 18:10 - Porciones del Nuevo Testamento

¹⁰ Seri ẽãne edarãũdua iabꞌabidꞌa za wĩka kedꞌeta, mʉã marãã jaraya, ángelerã ãzhi akʉ bꞌera ʉ̃trera baridua bꞌea mʉ Zeze ʉ̃tre bꞌʉ kĩrãbita.

Mateo 18:10 Kruisverwysings

Mateo 1:20

Izhi mawũã krĩchabʉrʉdꞌera ángel Daizezedꞌeta kꞌãĩmokꞌaradꞌe zhi ũdubipe mawũãsia: José, bʉra rey Davidꞌeba uruta bꞌʉa, María edaira perarãrũã, izhira bꞌiogꞌoasia Jawurebiadꞌeba.

Mateo 12:20

Cha bꞌʉadea bꞌʉra bꞌʉeta ẽã, ĩbĩrã kidrʉ bꞌʉra kia ẽã. Bia nʉmaña bꞌʉta aramaʉ̃ kĩrãkꞌa edaya bia nʉmabiyeedꞌa.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Mateo 18:6

Bariduba iabꞌa kꞌazhiruadꞌe bꞌaebibʉrʉta za zhi zromarã ẽãta mʉnebema ĩjã bꞌeta mawũã ora, maʉ̃ Daizezebara pua kꞌawua oya. Mawũẽ biga bakꞌausia osidaudꞌe yuta tãjʉ̃nape tabuedꞌaita pusa nabuadꞌe.

Mateo 2:13

Chĩdaudꞌeba ne arimaẽ jarabadata wãnapeadꞌa tẽãne, ángel Daizezedꞌeta kꞌãĩmokꞌaradꞌe Joséa zhi ũdubipe mawũãsia: Piradrʉrua, wũãwũã zhi papa ũme edebʉrʉta Egipto druaedꞌa merũ wãrũã, mobe mʉã jarayeedꞌa maĩnu bꞌadua. Kꞌawuarua, Herodebara wũãwũã beaita jʉrʉya.

Mateo 2:19

Herode beubʉrʉdꞌera ángel Daizezedꞌeta Egiptodꞌe Joséa kꞌãĩmokꞌaradꞌe zhi ũdubipe,

Mateo 24:31

Mobebʉrʉ mʉãrã ángelerã mʉrẽrãta zokꞌaya trompeta jĩgua zadꞌamarẽã, aramaʉ̃ne ãba jʉredꞌaya mʉã zhi jʉrʉmata baridu maẽ bꞌeta wawara bꞌeta.

Lucas 1:19

Mawũãĩ ángelbara panaʉ̃ mawũãsia: Mʉrã Gabriel Daizeze kĩrãbita bꞌʉta izha bʉ ũme bedꞌeadꞌe zokꞌasia naʉ̃ bedꞌea biata jaradꞌe.

Lucas 10:16

Marã mʉnebemata bꞌe bedꞌeata ũrĩnarã mʉ bedꞌeata ũrĩnaña, marãta seribidꞌa ẽbʉrʉ mʉta seribidꞌa ẽã, mʉta seribidꞌa ẽãrã mʉ zokꞌadꞌata seribidꞌa ẽã.

Lucas 16:22

Nʉmʉne zuburia bꞌʉra beubʉrʉdꞌera ángelerãba edesidꞌa Abraham bꞌʉ maẽ. Nʉmʉne bara bꞌʉsidꞌa beubʉrʉdꞌera wuagꞌasidꞌa.

Hechos 10:3

Maʉ̃bara kꞌãĩmokꞌaradꞌe kĩrãkꞌa a las tres dajada ne ũdubʉrʉta ángel Daizezedꞌeta izhi bꞌʉ maẽ edꞌa zepe mawũãsia: Cornelio.

Hechos 12:15

Jarirãbara mawũãsidꞌa: Bʉra kĩrãne bꞌʉ ẽã. Mawũãnaĩ izhara wãrĩnu izhia asia. Mawũãĩ jarirãbara mawũãsidꞌa: ¡Mobera ángel izhi akʉbaria!

Hechos 12:23

Audre ẽãne ángel Daizezedꞌeba kꞌayabisia Daizezetrʉ zhi zroma a ẽãneba. Aramaʉ̃ne beusia kiba kꞌo.

Hechos 27:23

Idꞌi diamase mʉ ũme bꞌasia ángel Daizezedꞌeta, mʉrã Daizezedꞌea, mʉãrã izha jara bꞌʉta aribꞌae bꞌʉa.

Hechos 5:19

Mawũãmina ángel Daizezedꞌeba diamase cárcel puerta ewa ẽdrʉbigape mawũãsia:

Romanos 14:10

Mawũẽ bʉara, ¿kꞌãrẽã jara nʉmaĩpe bʉ mebeara? O bʉara, ¿kꞌãrẽã bĩ ẽã jara nʉmaĩpe bʉ mebeara? Dazhira jõma kĩrãbita nʉmeãña Cristoba kꞌawua oi maẽ.

Romanos 14:21

Audre biga nezhara kꞌo ẽbaita, miã vino do ẽbaita, miã kꞌãrẽta o ẽbaita bĩ ẽã obʉrʉba bꞌaebii kꞌãñabara bʉ mebeata.

Romanos 15:1

Dazhi zarea nʉmebara kꞌarebadꞌaibara zarea nʉme ẽãrã, aramaʉ̃ne dazhiitabʉrʉ bia nʉmeã ẽã.