Mateo 16:8 - Porciones del Nuevo Testamento

⁸ Jesúsbara maʉ̃ta kꞌawuape mawũãsia: ¿Kꞌãrẽã mazhirãĩnu bedꞌea kꞌobꞌe, marã soidꞌu kꞌobꞌaita wãẽã bꞌeba pan ne ẽãta jara kꞌobꞌe ẽka?

Mateo 16:8 Kruisverwysings

Mateo 14:31

Aramaʉ̃ta Jesúsbara juwuadꞌe jidape mawũãsia: ¡Bʉra soidꞌu kꞌobꞌaita wãẽã bꞌʉa! ¿Kꞌãrẽã teba bꞌe ẽãta krĩchabʉrʉ?

Mateo 16:7

Mawũãĩ ãzhirãĩnu bedꞌeabʉdata mawũãsidꞌa: Maʉ̃ta jarabʉrʉa pan wedꞌa ẽbasi baera.

Mateo 6:30

Chirua idꞌi meã takeradꞌata nunebai tebʉdꞌe babuebadata Daizezeba mawũã zhobi bꞌʉra, ¿marã audre zhobigai ẽka, awuarabʉrʉ soidꞌu bꞌeaita wãẽã duanu ẽka?

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Marcos 16:14

Nʉmape izha jʉrʉkuadꞌata oncea Jesús zhi ũdubisia ãzhi jewedꞌa nekꞌo kꞌobꞌedꞌe. Mobe ĩjã ẽbaita sota zarea bꞌedꞌeba kẽãkuasia ĩjãna ẽãba zhi ũdudꞌapeadꞌaba jarabʉdata beudꞌata piradrʉdꞌata.

Juan 16:30

Idꞌibʉrʉ daibara kꞌawuabʉda bʉara ne jõma kꞌawua bꞌʉta, mawũẽ miõba kꞌãrẽ widꞌidꞌaira nesidꞌa ẽã, kꞌãʉ̃ba daibara ĩjã bꞌea bʉra zesita Daizeze maẽba.