Mateo 13:11 - Porciones del Nuevo Testamento

¹¹ Mawũãnaĩ izhara panaʉ̃ mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina ãzhi kꞌobꞌeara kꞌawuabi ẽã.

Mateo 13:11 Kruisverwysings

Mateo 13:10

Mobebʉrʉ izha jʉrʉkuadꞌabara orradꞌape mawũãsidꞌa: ¿Kꞌãrẽã ne bio jarakꞌabʉrʉ?

Mateo 16:17

Mawũãĩ Jesúsbara mawũãsia: Bʉra Daizezeba bia nʉmʉkꞌãrĩã Simón, Jonás warra, maʉ̃ bʉaara beubariba kꞌawuabibʉrʉ ẽã, awuarabʉrʉ kꞌawuabibʉrʉa mʉ Zeze ʉ̃tre bꞌʉba.

Mateo 19:11

Mawũãnaĩ Jesúsbara mawũãsia: Mawũã kĩma ne ẽã bꞌaira jõmaʉ̃ne ẽã, awuarabʉrʉ Daizezeba dobꞌa bꞌaidꞌe bꞌʉkꞌãrĩtrʉ mawũã bꞌea.

Mateo 20:23

Mawũãnaĩ izhara mawũãsia: Marã wãrĩnu mʉ zuburiai kĩrãkꞌara zuburiadꞌaya. Mawũãmina mʉ juwua araare, mʉ juwua ãkꞌaare jewedꞌabigaira mʉãrã diaidꞌe bꞌʉ ẽã. Awuarabʉrʉ jewedꞌa paneña maʉ̃ĩta zhi aribꞌaemata mʉ Zezeba.

Marcos 10:40

Mawũãmina mʉ juwua araare, mʉ juwua ãkꞌaare jewedꞌabigaira mʉãrã diaidꞌe bꞌʉ ẽã, awuarabʉrʉ jewedꞌa paneña Daizezeba maʉ̃ĩta zhi aribꞌaemata.

Marcos 4:11

Mawũẽ mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina izhidꞌebema ĩjã ẽã bꞌeara ne biodꞌeba jaraibara ne jõma.

Lucas 8:10

Mawũãnaĩ izhara mawũãsia: Daizezebara marãã kꞌawuabi nʉmʉã izhita Nokꞌodꞌebema kꞌawuabi ẽã bꞌadꞌata, mawũãmina awʉrʉrã izhidꞌebema ĩjã ẽã bꞌeara ne biodꞌeba jaraibara. Akʉ bꞌeidꞌu sãwũãta kꞌawua ẽã akʉ bꞌeamarẽã, ũrĩ bꞌeidꞌu sãwũãta kꞌawua ẽã ũrĩ bꞌeamarẽã.

Juan 6:65

Maʉ̃nerã mawũãsia: Maʉ̃neba mʉã marãã jarasia miõta mʉma ze ẽãta mʉ Zezeba diabʉrʉ ẽãrã.

Juan 7:17

Daizezeba krĩñata okrĩña bꞌʉbara kꞌawuaya ũrãgꞌara Daizezedꞌeta, o kꞌawuaya mʉrã bedꞌea bꞌʉta mʉzhikusauba.

Hechos 16:14

Mawũẽ wũẽrã Lidia abadata wua granate nendobarita, Tiatira pʉwʉrʉdꞌebemaba Daizeze ibia jara bꞌʉba ũrĩ kꞌobꞌasia. Daizezebara izhi sora ewasia bia ũrĩmarẽã Pabloba jara kꞌobꞌʉta.

Romanos 11:25

Mebẽrã, Daizezeba kꞌawuabi ẽã bꞌadꞌata mʉãrã marãba kꞌawuadꞌaita krĩña bꞌʉa, mawũãtrʉ judíorã kꞌãñabara audre biarãta krĩchadꞌa ẽã: Israel ʉ̃kʉrʉba ĩjã ẽã zarea nʉmerã, mawũã nʉmeã Cristodꞌebema ĩjãĩ bꞌeta judíorã ẽãta edꞌa zedꞌayeedꞌa.

Romanos 16:25

Daizezebara marã jipa nʉmabi bꞌeya bedꞌea biata mʉã jaradꞌaba Jesucristodꞌebemata, mawũã nʉmabigaira izha kꞌawuabisia kꞌawuabi ẽã bꞌadꞌata ewari na wedꞌauba.