Marcos 1:1 - Porciones del Nuevo Testamento

¹ Jesucristodꞌebemata bedꞌea biata mʉãrã jẽdeba bꞌʉya, izhira Daizeze Warra.

Marcos 1:1 Kruisverwysings

Mateo 14:33

Mawũẽ jãbadꞌe kꞌopanʉbara orradꞌape ibia jara mawũãsidꞌa: Bʉra wãrãne Daizeze Warra.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 4:3

Maʉ̃ne wãẽãbii kꞌarea ãtõmiã izhima zepe mawũãsia: Bʉta Daizeze Warrabʉrʉ mongꞌara za tabꞌea jaradua pan bakuamarẽã.

Lucas 1:35

Mawũãĩ ángelbara panaʉ̃ mawũãsia: Jawurebiata bʉ ʉ̃rʉ̃ zebʉrʉba bʉra Ʉ̃trebema zareaba ãnabꞌariya, aramaʉ̃ne wũãwũã toira Daizezedꞌeba Daizeze Warra adꞌaya.

Juan 1:14

Bedꞌeara Beubari Bape dazhirãne edꞌa bꞌasia, kʉãgꞌaba bira bꞌʉba kꞌawuabiga bꞌasia Daizezedꞌebema wãrãta. Daibara ũdusidꞌa izhira zhi zromata, zhi Warra abꞌa bꞌʉta zhi zroma basia zhi Zezedꞌeba.

Juan 1:34

Mawũã jaradꞌata mʉãrã izhira ũdubʉrʉa, mawũẽ mʉãrã jarabʉrʉa naʉ̃ Daizeze Warrata.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 3:16

Daizezebara ẽjũãne bꞌera kꞌãbãẽã kʉãgꞌaba diasia zhi Warra abꞌa bꞌʉta, izhidꞌebemata ĩjãbʉrʉra adua ẽbamarẽã, awuarabʉrʉ erubꞌamarẽã Daizeze ũme bꞌai jõ ẽãta.

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Hechos 1:22

Juanba buru kꞌoesidꞌebemata bꞌeta dazhirã maẽba Jesús ʉ̃taa wãsiidꞌubemata bꞌea. Mawũẽ iabꞌa jʉrʉdꞌaya dazhirã bawarauba jaramarẽã Jesús beudꞌata piradrʉdꞌata.

Hechos 13:24

Jesús zei nawedꞌa Juanbara jarasia buru kꞌoebʉdaba kꞌazhiruara ãmape Daizezeta pẽwãnamarẽã, mawũã jarasia Israel bꞌe jõmaʉ̃ã.

Romanos 8:3

Moisé ũrãgꞌabara ẽdrʉbi bꞌe ẽãba, zharabara ẽdrʉbi bꞌe ẽãba Daizezebara zhi warrata zokꞌasia dazhi kꞌãwũ zharadꞌe kꞌazhirua omiã zadꞌe. Mobe dazhi kꞌazhiruabari beubibʉrʉba kꞌazhiruadꞌebara ẽdrʉbisia, aramaʉ̃ne kꞌazhiruara beasia dazhi kꞌãwũ zharadꞌeba.

Romanos 8:32

Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?