Lucas 9:43 - Porciones del Nuevo Testamento

⁴³ Jõmaʉ̃ba bia akʉdruasidꞌa zhi zroma baera Daizezera. Ne jõma obꞌʉ kꞌarea bia akʉdrua nʉmene Jesúsbara izha jʉrʉkuadꞌaa mawũãsia:

Lucas 9:43 Kruisverwysings

Mateo 17:22

Izha jʉrʉkuadꞌa bawara Galileadꞌe bꞌedꞌe Jesúsbara mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya.

Marcos 6:51

Mawũãpe ãzhi bawara jãbadꞌe bꞌaribʉrʉdꞌera pʉ̃ãdrʉra tausia. Mawũẽ ãzhira kꞌãbãẽã perabʉdaba bia akʉdruasidꞌa.

Lucas 18:43

Audre ẽãne ne ũdusia, mawũẽ kꞌaidꞌu tebasia Daizeze ibia jara. Zhãrã jõmaʉ̃ba maʉ̃ta ũdudꞌai ibia jarasidꞌa Daizezera.

Lucas 4:36

Mawũẽ jõmaʉ̃ba bia akʉdrua ãzhirãĩnu mawũãsidꞌa: ¿Naʉ̃ bedꞌeara kꞌãrẽ zhi zromape? Jaira zarea bara jʉrekua bꞌʉba ãĩ wã nʉmeã.

Lucas 5:26

Mawũẽ jõmaʉ̃ba bia akʉdrua Daizeze ibia jarasidꞌa. Kꞌãbãẽã pera kꞌobꞌeidꞌu mawũãsidꞌa: Idꞌi ũdubʉda ne biata.

Lucas 5:9

Bꞌedata mawũã jidabʉdaba nitbia perasia izhi bawara kꞌobꞌe bawara.

Lucas 8:25

Mobebʉrʉ ãzhaa mawũãsia: ¿Marã sãwũãbʉda soidꞌu kꞌopanaĩ kꞌaudꞌe? Ãzhara pera bia akʉdrua ãzhirãĩnu mawũãsidꞌa: ¿Naʉ̃ kꞌaipe kꞌãwũã nanguta dota kẽãbʉrʉdꞌe izhi bedꞌeata aribꞌaebʉdara?

Lucas 9:42

Kũrãta urudꞌera jaibara bꞌaebipe abꞌaedꞌa wawabisia. Mawũãmina Jesúsbara jaira kẽãsia, aramaʉ̃ne kũrã bꞌebipe diasia zhi zezea.