Lucas 9:19 - Porciones del Nuevo Testamento

¹⁹ Mawũãĩ ãzhara panaʉ̃ mawũãsidꞌa: Ʉ̃kʉrʉbara jarabada bʉra Juan Burukꞌoemiãta. Ʉ̃kʉrʉbara jarabada bʉra Elíata. Ʉ̃kʉrʉbara jarabada bʉra Daizezeba bedꞌeata jarabibarirã bꞌeadꞌata beudꞌata iabꞌa piradrʉsita.

Lucas 9:19 Kruisverwysings

Mateo 14:2

Mawũẽ izha zokꞌa jʉre bꞌʉa mawũãsia: Maʉ̃ mʉma Juan Burukꞌoemiãta beudꞌata piradrʉbʉrʉa, maʉ̃neba mawũã ũdudꞌakꞌata okuaita zarea nʉmʉã.

Mateo 3:1

Jari ewadera Juan Burukꞌoemiã zepe Judea druadꞌe drua drudrua tabꞌʉ maẽ miã ũrãgꞌabʉrʉta,

Marcos 6:14

Rey Herodebara Jesús jarabʉdata ũrĩsia baridu maẽ trʉ̃poa nʉmʉba. Ʉ̃kʉrʉbara mawũãsidꞌa: Juan Burukꞌoemiã beudꞌata piradrʉbʉrʉa, maʉ̃neba ũdudꞌakꞌata okuaita zarea nʉmʉã.

Marcos 6:15

Waya ʉ̃kʉrʉbara mawũãsidꞌa: Kꞌãʉ̃rã Elía. Dewaraurãbara mawũãsidꞌa: Kꞌãʉ̃rã Daizezeba bedꞌeata jarabibaria, Daizezeba bedꞌeata jarabibarirã bꞌeadꞌa kĩrãkꞌa bꞌʉa.

Lucas 9:18

Ewari abꞌa Jesús zhãrã maẽbara ãĩ zhiwidꞌi bꞌʉdꞌe, izha jʉrʉkuadꞌata izhi bawara kꞌopanʉne widꞌi mawũãsia: ¿Zhãrãbara mʉrã kꞌaita jara panʉ?

Lucas 9:20

Mawũãnaĩ izhara mawũãsia: ¿Kꞌõbe marãma mʉrã kꞌaipe? Mawũãĩ Pedroba panaʉ̃ mawũãsia: Bʉra zhãrã Ẽdrʉbita Daizezedꞌea.

Juan 1:21

Mawũãĩ widꞌi mawũãsidꞌa: ¿Mobera bʉra kꞌaipe? ¿Bʉra Elíakꞌa? Mawũãnaĩ mawũãsia: Mʉrã maʉ̃ ẽã. Mawũãĩ mawũãsidꞌa: ¿Mobera bʉra Daizezeba bedꞌeata jarabibarita zeita bꞌadꞌakꞌa? Mawũãnaĩ panaʉ̃ mawũãsia: Mʉrã maʉ̃ ẽã.

Juan 1:25

Maʉ̃rãbara widꞌi mawũãsidꞌa: ¿Bʉara kꞌai bedꞌeadꞌeba zhãrã buru kꞌoe bꞌʉ, zhãrã Ẽdrʉbiita bʉ ẽbʉrʉ, miã Elía ẽbʉrʉ, miã Daizezeba bedꞌeata jarabibari ẽbʉrʉ?

Juan 7:40

Kꞌabanata ʉ̃kʉrʉbara maʉ̃ bedꞌeata ũrĩnape mawũãsidꞌa: Naʉ̃ wãrĩnu Daizezeba bedꞌeata jarabibaria.

Juan 9:17

Mawũẽ daʉbꞌerrea bꞌadꞌaa wakusa mawũãsidꞌa: ¿Bʉara kꞌasia aipe bʉ daʉbꞌerrea bꞌʉta ne ũdubidꞌadꞌebema? Mawũãnaĩ izhara mawũãsia: Mʉma kꞌãʉ̃ Daizezeba bedꞌeata jarabibaria.