Lucas 9:1 - Porciones del Nuevo Testamento

¹ Jesúsbara izha jʉrʉkuadꞌa doceta ãba jʉrepe zareata dedꞌekasia jai jõmaʉ̃ ʉ̃rʉ̃, aramaʉ̃ne bꞌebidꞌamarẽã kꞌayarãsidꞌa.

Lucas 9:1 Kruisverwysings

Mateo 16:19

Mʉãrã bʉaa zareata diaya Daizezeta Nokꞌodꞌebemata. Mawũẽ naʉ̃ druadꞌe bʉa kꞌãrẽ idaribi ẽãrã Daizezebidꞌa idaribi ẽã ʉ̃treuba. Naʉ̃ druadꞌe bʉa kꞌãrẽ idaribibʉrʉra Daizezebidꞌa idaribiya ʉ̃treuba.

Mateo 4:24

Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Mateo 8:9

Aramaʉ̃ kĩrãkꞌa mʉãrã aribꞌae bꞌʉa nokꞌoba jarabʉrʉta. Mʉãbidꞌa soldaorãta jʉre bꞌʉa mʉã jarabʉrʉdꞌe bꞌeta. Mʉã iabꞌaʉa: Wãrũã, abʉrʉdꞌera wãbaria. Iabꞌaʉa: Zerua, abʉrʉdꞌera zebaria. Mʉ nezokꞌaa: Naʉ̃ta odua, abʉrʉdꞌera obaria.

Lucas 10:1

Maʉ̃ tẽã Jesúsbara dewara awʉrʉrãta setenta jʉrʉkuape izhi naa ũme ũmekꞌa zokꞌakuasia pʉwʉrʉza izhi wãĩ maẽ.

Lucas 10:19

Mʉã marãã zareata diasia dãmata, drusũrẽta nebʉdara eubꞌari ẽbamarẽã, ãtõmiã zarea jõmaʉ̃ ʉ̃rʉ̃ diasia, mawũẽ marã miã kꞌãrẽba sãwũã ẽã.

Juan 14:12

Mʉã wãrĩnu marãã jaraya: Mʉnebemata ĩjã bꞌʉbara mʉã kꞌãrẽ onʉmʉta izhabidꞌa oya. Kꞌãrẽ audre oya mʉta wãĩ baera mʉ Zezema.

Hechos 1:8

Mawũãmina marãbara zareata jidadꞌaya Jawurebiata marãne edꞌa bꞌadꞌe zebʉrʉdꞌe, aramaʉ̃ne marãbara mʉnebemata jaradꞌaya Jerusalénne, Judea druadꞌe, Samaria druadꞌe, wawara druaza.

Hechos 3:16

Daibara izhidꞌebema ĩjã panʉã, za naʉ̃ marãba ũdukꞌawua bꞌeta akʉ kꞌobꞌera kꞌãwũã bꞌe dogꞌoa izhi zareaba. Izhara bꞌebiita ĩjã panʉba naʉ̃ kꞌãwũã jipa bꞌe dogꞌoa mazhi jõmaʉ̃ kĩrãbita.

Hechos 4:30

Bʉ zareata dedꞌekarua zhãrã bꞌebidꞌaita, ũdudꞌakꞌata odꞌaita bʉ Warra Jesús trʉ̃neba.

Hechos 9:34

Pedrobara mawũãsia: Enea, Jesucristobara bʉra bꞌebiya. Piradrʉpe bʉzhi estera bʉratʉrua. Mawũãĩ aramaʉ̃ta piradrʉsia.