Lucas 8:49 - Porciones del Nuevo Testamento

⁴⁹ Wadꞌi bedꞌea kꞌobꞌʉdꞌe de zhi jʉrebada maẽ nokꞌo dedꞌauba iabꞌa zepe mawũãsia: Bʉ kꞌaura beudogꞌoa. Mawũẽ miãsẽã bedꞌea nʉmarãrũã Miã Ũrãgꞌabaria.

Lucas 8:49 Kruisverwysings

Mateo 26:10

Maʉ̃ta kꞌawuape Jesúsbara mawũãsia: ¿Naʉ̃ wũẽrã kꞌãrẽã miãsẽã erukꞌopanʉ? Mʉ kꞌãwũã obʉrʉra biata obʉrʉa.

Mateo 9:18

Jesúsba maʉ̃ta jara nʉmʉne zesia judío zhi zromata, mobe izhi kĩrãbita sãkꞌokꞌodꞌe kꞌobꞌepe mawũãsia: Mʉ kꞌaura beudogꞌoa. Mawũãmina wãda, mobe bʉ juwuata izhi ʉ̃rʉ̃ bꞌʉdua, mawũãrã bꞌaya.

Marcos 5:22

Maʉ̃ne zesia de zhi jʉrebada maẽ nokꞌota Jairo abadata, Jesústa ũdui izhi jẽrũ kꞌaita sãkꞌokꞌodꞌe kꞌobꞌepe,

Lucas 11:7

¿Mawũãĩ jaribara edꞌauba panaʉ̃ mawũãĩbʉka: Miãsẽã nʉmarãrũã, puertara ya serra nʉmʉã, mʉ warrarãsidꞌa mʉ bawara kꞌãĩgue nʉmʉã, maʉ̃ba mʉrã piradrʉ bꞌe ẽã maʉ̃ diaira aibʉka?

Lucas 7:6

Mawũãnaĩ Jesús wãsia ãzhi bawara. Mawũãmina de kꞌaita babʉdadꞌera soldaorã nokꞌobara izhi bawara zhibiata ʉ̃kʉrʉ izhima zokꞌabʉrʉta jarabuesia mawũãnamarẽã: Nokꞌó, mʉrã biata bꞌʉ ẽã bʉ mʉ dedꞌa deidꞌu zeira.