Lucas 8:39 - Porciones del Nuevo Testamento

³⁹ Wakusa dedꞌaa wãrũã, mobe jaradua Daizezeba bia zromata obʉrʉta bʉ bꞌebibʉrʉta. Mawũãĩ izhira wãbʉrʉta pʉwʉrʉdꞌe jõmaʉ̃ã jarakꞌa wãsia bia zromata obʉrʉta Jesúsba izhi ũme.

Lucas 8:39 Kruisverwysings

Marcos 1:45

Mawũãmina izhira wãpe izhi sãwũã bꞌebʉrʉta jõmaʉ̃ã jarasia. Mawũẽ Jesús ya baridu pʉwʉrʉdꞌe dajada edꞌa wã bꞌe ẽbasia, maʉ̃neba ãĩ miõ ne ẽã maẽ chubꞌe bꞌasia. Mawũãsiidꞌu baridu maẽba zhãrã izhima ze nʉmasia.

Marcos 5:18

Jesús jãbadꞌe bꞌaribʉrʉdꞌera kĩrãnema bꞌadꞌara zuburia bedꞌeasia bꞌabimarẽã izhi ũme.

Marcos 5:19

Mawũãmina Jesúsbara idaribi ẽbasia, awuarabʉrʉ mawũãsia: Dedꞌaa wãrũã, bʉzhi mebẽrãma wãrũã, mobe jaradua Daizezeba bia zromata obʉrʉta bʉ bꞌebibʉrʉta, bʉ sãwũã sozuburia bꞌidꞌapʉta.

Lucas 8:38

Maʉ̃ne jai bio abꞌadꞌara Jesúa zuburia bedꞌeasia bꞌabimarẽã izhi ũme. Mawũãmina Jesúsbara wãmarẽã jara mawũãsia:

Lucas 8:40

Kĩrãrẽba Jesús wakusa zebʉrʉdꞌera kꞌabanabara sobia bia edasidꞌa jõmaʉ̃ba jʉ̃ã duanasi baera.

Juan 4:29

Ũmakĩrãta akʉdꞌe zeudua, jõma jarabʉrʉa mʉã kꞌãrẽ odꞌata. ¿Kꞌãgʉra zhãrã Ẽdrʉbii ẽka?