Lucas 8:2 - Porciones del Nuevo Testamento

² Wũẽrãrã ʉ̃kʉrʉ kꞌaidꞌu bꞌeasia bꞌekuadꞌata jai abꞌeta, kꞌaya bꞌeta. Abꞌa María Magdalena abazhidꞌa, maʉ̃nebara ẽzoasia jai siete.

Lucas 8:2 Kruisverwysings

Mateo 4:24

Aramaʉ̃ne izhira Siria drua jõma trʉ̃poabʉrʉba jõma wesidꞌa pua bꞌeta, nekĩrãtõnoãba kꞌaya zuburia bꞌeta, kĩrãnema bꞌeta, jai abꞌeta, kꞌakua pira ẽã kꞌaya bꞌeta webʉdata bꞌebikuasia.

Marcos 16:1

Sábado ẽnaʉ̃bada ewarita berabꞌaribʉrʉdꞌera, María Magdalenaba, dewarabema María Jacobo papaba, dewara Saloméba kerata edasidꞌa wãnaĩta Jesús kꞌakuata tũã odꞌaita.

Marcos 16:9

Jesús beudꞌata diapedꞌa piradrʉbʉrʉra semana ewarita nabemata domingodꞌera naara zhi ũdubisia María Magdalenaa, maʉ̃ wũẽrãnebara jʉrekua bazhia jai siete.

Lucas 23:27

Maʉ̃nerã kꞌabanata pʉwʉrʉdꞌebemata kꞌaidꞌu kuataidꞌera wũẽrãrã ʉ̃kʉrʉ sopua jẽgasidꞌa izhi kꞌarea.

Lucas 23:49

Mawũãmina jõma Jesúsba ũdukꞌaubara, wũẽrãrã Galilea druadꞌeba izhi kꞌaidꞌu zekuadꞌabara wawarauba akʉ duanasia mawũã dogꞌora.

Lucas 23:55

Wũẽrãrã Jesús kꞌaidꞌu Galileadꞌeba zedꞌapeadꞌasidꞌa kꞌaidꞌu zebʉdaba ũdusidꞌa beuwãrã wuagꞌaidꞌebema nʉmʉ maẽ Jesús kꞌakua tabꞌʉbʉdata.

Lucas 8:30

Jesúsbara widꞌi mawũãsia: ¿Bʉ trʉ̃rã kꞌaipe? Mawũãĩ jaibara mawũãsia: Mʉ trʉ̃rã Kꞌabana. Mawũãsia jaira bio edꞌa wãnape bꞌeba maʉ̃ne edꞌa.

Juan 19:25

Jesús cruzdꞌe jirabꞌʉ kꞌaita panasia zhi papata, wũẽrã zhi papa mebeata, María Cleofas kĩmata, María Magdalenata.

Hechos 1:14

Maʉ̃rãta baridua ãba zhiwidꞌi duanasia wũẽrãrã bawara, Jesús papa María bawara, Jesús mebẽrã bawara.