Lucas 7:41 - Porciones del Nuevo Testamento

⁴¹ Mawũãĩ Jesúsbara mawũãsia: Plata prestabariba erubꞌasia ũme debe panʉta. Trabajodꞌera abꞌa ewari quiniento deweta dewe basia denario quiniento, dewarabemata cincuenta.

Lucas 7:41 Kruisverwysings

Mateo 18:28

Mawũãmina nezokꞌa maʉ̃ta wãbʉrʉdꞌera ũdusia abꞌarika nezokꞌata abꞌa izhaa wĩka deweta, mawũẽ ojʉ̃ãbara jidape mawũãsia: Mʉãã dewera pagꞌadua.

Mateo 6:12

Daiba bia ẽãta odꞌadꞌebara daira bedꞌea ne ẽã duanebirua, daiba bedꞌea ne ẽãne edabada kĩrãkꞌa dai bĩ ẽã obʉdata.

Marcos 6:37

Mawũãnaĩ Jesúsbara panaʉ̃ mawũãsia: Marãba nekꞌobigaudua. Mawũãĩ ãzhara mawũãsidꞌa: ¿Daita wãnape denario docientoba pan edaira ewari dociento trajaidꞌe bꞌʉ ẽka aramaʉ̃ne nekꞌobigaira?

Lucas 11:4

Daiba kꞌazhiruata odꞌadꞌebara daira bedꞌea ne ẽã duanebirua, daibidꞌa bedꞌea ne ẽãne edabada dai bĩ ẽã obʉdata jõma. Daita idu wãẽãbirãrũã, awuarabʉrʉ daira kꞌarebarua ãtõmiã bia ẽãnebara.

Lucas 12:48

Mawũãmina iabꞌaʉba kꞌawua ẽãba uidꞌebemata ora bio u ẽã. Daizezeba iabꞌaʉa kꞌãrẽ bio diabʉrʉdꞌera kꞌãrẽ bio aribꞌae nʉmabiya. Aramaʉ̃ne iabꞌaʉa kꞌãrẽ bio chãbꞌaribʉrʉdꞌera kꞌãrẽ audre aribꞌae nʉmabiya.

Lucas 13:4

Jari dieciochota Siloédꞌe de drasoa nʉmanata ʉ̃rʉ̃ bꞌaebʉrʉba beakuadꞌara, ¿marãbara krĩcha duanuka maʉ̃rãtrʉ audre bedꞌea bara bꞌeasita zhãrã bꞌe kꞌãñabara Jerusalénne?

Lucas 7:40

Maʉ̃ne Jesúsbara mawũãsia: Simón, mʉã bʉaa ne jaraya. Mawũãĩ izhara mawũãsia: Jaradua Miã Ũrãgꞌabari.

Lucas 7:47

Mawũẽ mʉã bʉaa jaraya, kꞌazhirua biodꞌebara mʉãrã bedꞌea ne ẽã bꞌidꞌapʉa, mawũẽ mʉrã bio kʉãgꞌa. Mawũãmina iabꞌa izhima kꞌazhirua bio ne ẽãta bedꞌea ne ẽã bꞌʉra maʉ̃bara bio kʉãgꞌa ẽã.

Romanos 3:23

Jõmaʉ̃ba kꞌazhiruara obada, mawũẽ ãĩ bꞌea Daizezeta kĩrãwãrẽãnebara.

Romanos 5:20

Moisé ũrãgꞌara nʉmʉsia kꞌawuabigaita kꞌazhiruata kꞌãbãẽã obadata. Kꞌazhiruata mawũã kꞌãbãẽã obadadꞌebara Daizezebara kꞌawuabisia izhi biaba kꞌãbãẽã sozuburia bꞌʉta.