Lucas 7:19 - Porciones del Nuevo Testamento

¹⁹ Mobe Jesúsma zokꞌakuasia widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?

Lucas 7:19 Kruisverwysings

Marcos 6:7

Maʉ̃nerã ãba trʉ̃kuasia doceta, mobe zokꞌakuasia ũme ũmekꞌa, zareata dedꞌekasia jai bꞌe ʉ̃rʉ̃.

Lucas 10:1

Maʉ̃ tẽã Jesúsbara dewara awʉrʉrãta setenta jʉrʉkuape izhi naa ũme ũmekꞌa zokꞌakuasia pʉwʉrʉza izhi wãĩ maẽ.

Lucas 11:1

Ewari abꞌa Jesús zhiwidꞌi nʉmape zhiwidꞌi berabꞌaribʉrʉdꞌera izha jʉrʉkuadꞌaba abꞌaʉba mawũãsia: Nokꞌó, daia jaradedꞌekarua zhiwidꞌiita, Juanba jaradedꞌekadꞌa kĩrãkꞌa izha jʉrʉkuadꞌaa.

Lucas 11:39

Maʉ̃ne Jesúsbara mawũãsia: Marã fariseorãta bꞌera vasota, epedꞌekꞌota, ʉ̃rʉ̃bʉrʉ zhi sʉgʉma kĩrãkꞌa bꞌea, mawũãmina marã edꞌara bia ẽãba bira bꞌea, nezrʉga bia ẽãta obꞌeba.

Lucas 12:42

Mawũãĩ Nokꞌo Jesúsbara mawũãsia: ¿Nezokꞌata ne aribꞌae krĩcha bara bꞌʉra izhi nokꞌobara izhi dedꞌa bꞌe ʉ̃rʉ̃ bꞌʉi ẽka nekꞌobada ʉ̃madaudꞌe ne dedꞌekamarẽã?

Lucas 13:15

Mawũãĩ Nokꞌo Jesúsba panaʉ̃ mawũãsia: Sewa bibaʉta bꞌarãrũã, ¿marãbara mazhi pakꞌa, mazhi burro kꞌorradꞌe bꞌeta ẽnape edebada ẽka baniã dobidꞌe ẽnaʉ̃bada ewade?

Lucas 17:5

Izha jʉrʉkuadꞌabara Jesúa mawũãsidꞌa: Daira soidꞌu bꞌeabirua.

Lucas 17:6

Mawũãnaĩ Nokꞌo Jesúsbara mawũãsia: Mostaza ta wĩka kĩrãkꞌa marãta wĩkabidꞌa soidꞌu bꞌebʉrʉ bakuru za nʉmʉã mawũã bꞌedꞌaya: Ẽtotodua, mobe pusadꞌe nʉmane wãrũã, mawũãnaĩ marã bedꞌeara aribꞌaeya.

Lucas 18:6

Maʉ̃ta jarape Nokꞌo Jesúsbara mawũãsia: Ũrĩũdua nokꞌo bia ẽãbara kꞌasia adꞌata.

Lucas 19:8

Maʉ̃ne Zaqueo ʉ̃ta nʉmepe Nokꞌo Jesúa mawũãsia: Nokꞌó, mʉã ne erubꞌʉta ẽsadra diaya zuburia kedꞌea, mʉã ne iabꞌaʉdꞌeta zrʉgasibʉrʉ jẽrũya diaya kĩmarẽ.

Lucas 22:61

Maʉ̃ne Nokꞌo Jesús pʉrʉwape akʉsia Pedrora, mobebʉrʉ Pedrobara bude basia Nokꞌo Jesúsba mawũãnata: Gallo berui nawedꞌa bʉara mʉ ũdukꞌata jarama ũbea jaraya.

Lucas 24:34

Maʉ̃rãbara mawũãsidꞌa: Wãrĩnu Nokꞌora beudꞌata piradrʉsia. Zhi ũdubisia Simoũã.

Lucas 7:13

Nokꞌo Jesúsba ũdui sozuburiape mawũãsia: Jẽgarãrũã.

Lucas 7:20

Aramaʉ̃ne maʉ̃rã Jesúsma zedꞌape mawũãsidꞌa: Daira Juan Burukꞌoemiãba bʉma zokꞌakuasia widꞌi mawũãnamarẽã: ¿Bʉka zhãrã Ẽdrʉbiita zeita bꞌadꞌara, o daibara wadꞌi awʉrʉta jʉ̃ãnaĩ?

Juan 11:2

Maʉ̃ Maríara Lázaro kꞌaya nʉmʉ nawekꞌaubara tẽãne kerata Jesús jẽrũne ʉ̃rʉ̃ weape izhi budꞌaba põãsã jaresia.

Juan 4:1

Nokꞌo Jesúsbara kꞌawuasia fariseorãbara ũrĩsidꞌata zhãrãba mawũãbʉdata: Jesúsbara zhãrã audre jʉre buru kꞌoekua nʉmʉã Juan kꞌãñabara.

Juan 4:25

Mawũãĩ wũẽrãbara mawũãsia: Mʉã kꞌawua bꞌʉa zhãrã Ẽdrʉbiira zeita, izhi zebʉrʉdꞌera daia bia jarakꞌaya ne jõma.

Juan 6:23

Maʉ̃ne jãba awʉrʉta Tiberia pʉwʉrʉdꞌeba zesidꞌa, Jesúsba Daizezea zhibia jipe pan kꞌodꞌapeadꞌa kꞌaita.