Lucas 6:49 - Porciones del Nuevo Testamento

⁴⁹ Mawũãmina mʉ bedꞌeata ũrĩpe aribꞌae ẽãrã ũmakĩrãba izhi dera bari egoro ʉ̃rʉ̃ odꞌa kĩrãkꞌa bꞌʉa. Maʉ̃ dema dora zarea jiradrʉbʉrʉba tega wãsia, mawũẽ jipa teguezoasia maʉ̃ dera.

Lucas 6:49 Kruisverwysings

Mateo 23:3

Mawũẽ kꞌãrẽ aribꞌaeita marãã jarabʉdara jõma aribꞌae oudua. Mawũãmina ãzha obꞌe kĩrãkꞌara orãũdua, kꞌãrẽ jara bꞌera ãzhara aribꞌaedꞌa ẽã.

Mateo 24:10

Mʉnebemata ĩjã bꞌebara maʉ̃ ewadera bioba ĩjã ẽã duaneña, mawũẽ zhiya zhi jidabidꞌaya, zhiya zhi juradꞌaya.

Marcos 4:17

Mawũãmina bia kꞌarra jidadꞌa ẽãba dããrã zrogꞌadꞌa ẽã, mawũẽ zuburiabʉdadꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌaribada.

Lucas 12:47

Maʉ̃ nezokꞌabara izhi nokꞌoba kꞌãrẽ krĩñata kꞌawua bꞌʉta kĩrãkuita ẽãba izha krĩñata o ẽbadꞌara bio uya.

Lucas 19:14

Mawũãmina izhi druadꞌebemabara jurade basia, mawũẽ zhãrãta kꞌaidꞌu zokꞌasidꞌa mawũãnamarẽã: Daibara krĩñana ẽã naʉ̃ dai rey baira.

Lucas 19:27

Mʉ jura bꞌeba mʉ ãzhi rey baita krĩñana ẽãsidꞌa naĩnu weudua, mobe otatukuaudua mʉ kĩrãbita.

Lucas 6:46

¿Mʉrã kꞌãrẽã Nokꞌó abada mʉã jara bꞌʉra odꞌa ẽãta?

Lucas 6:48

Ũmakĩrã de odꞌa ũme abꞌarika bꞌʉa, maʉ̃bara egoro eidꞌu kꞌorupe drʉ̃daura peña ʉ̃rʉ̃ joukuasia. Do zebʉrʉdꞌera dora maʉ̃ dema zarea jiradrʉsia, mawũãmina pʉkatʉ ẽbasia pãrã nʉmʉba peña ʉ̃rʉ̃.

Lucas 7:1

Izhi bedꞌeata ũrĩ kꞌobꞌea ma bedꞌeabʉrʉdꞌera Jesús wãsia Capernaúm pʉwʉrʉedꞌa.

Juan 15:2

Jʉ̃kꞌara mʉ kꞌarradꞌebema zhi zau ẽãrã izha tiaweya. Mawũãmina zhi zaubʉdara zhi tae seri ẽãtrʉ kꞌõkua araa oya audre zaumarẽã.

Hechos 20:29

Mʉãrã kꞌawua bꞌʉa mʉ wãna tẽã marã maẽ edꞌa zedꞌaya usa kꞌazhirua kĩrãkꞌa bꞌeta, maʉ̃rãbara mebẽrã ãrĩnaña.

Hechos 26:11

Mʉãrã de zhi jʉrebadata nʉme maẽ ubima bio ukuabisia ĩjãbiga ẽã Jesúsdꞌebema zareadꞌe ikꞌazhirua jarabigaita. Aramaʉ̃ne ãzhi ʉ̃rʉ̃ kꞌãbãẽã kĩrũ bꞌʉba pẽwãkua bꞌasia pʉwʉrʉ ãĩbemata tabꞌeidꞌubidꞌa.