Lucas 6:42 - Porciones del Nuevo Testamento

⁴² ¿Mawũãrã bʉara bʉ mebea mawũãĩne bꞌʉka: Mebea, ne jarra bʉ dabʉdꞌe kꞌobꞌʉta mʉãã aubꞌaribirua aidꞌe bꞌʉka, bʉara akʉ ẽãta bʉ dabʉdꞌe bakuru pẽũ nʉmʉrã? ¡Sewa bibaʉta bꞌarãrũã! Bakuru bʉ dabʉdꞌe pẽũ nʉmʉta naara ãĩ bꞌʉdua, mawũãtrʉ bia ũduya bʉ mebea dabʉdꞌe ne jarra kꞌobꞌʉta aubꞌariita. (Aramaʉ̃ kĩrãkꞌa bʉa kꞌazhirua obꞌʉta naara idu bꞌʉdua, mobedꞌeba zhãrã kꞌareba bꞌeya.)

Lucas 6:42 Kruisverwysings

Mateo 26:75

Mobebʉrʉ Pedrobara bude basia Jesúsba mawũãnata: Gallo berui nawedꞌa bʉa mʉrã ũdukꞌata jarama ũbea jaraya. Aramaʉ̃ne Pedro ãĩ wãpe jẽgasia kꞌãbãẽã sopua.

Mateo 7:3

¿Kꞌãrẽã bʉ mebea dabʉdꞌe ne jarra kꞌobꞌʉtrʉ akʉpe bʉ dabʉdꞌe bakuru pẽũ nʉmʉrã akʉ ẽpe?

Mateo 7:4

¿Mawũãrã bʉara bʉ mebea mawũãĩne bꞌʉka: Ne jarra bʉ dabʉdꞌe kꞌobꞌʉta mʉãã aubꞌaribirua aidꞌe bꞌʉka, bʉ dabʉdꞌe bakuru pẽũ nʉmʉnerã?

Lucas 13:15

Mawũãĩ Nokꞌo Jesúsba panaʉ̃ mawũãsia: Sewa bibaʉta bꞌarãrũã, ¿marãbara mazhi pakꞌa, mazhi burro kꞌorradꞌe bꞌeta ẽnape edebada ẽka baniã dobidꞌe ẽnaʉ̃bada ewade?

Lucas 22:32

Mawũãmina mʉrã bʉ bari Daizezea zuburia bedꞌeasia, mʉnebema ĩjã bꞌʉta kenabꞌari ẽbamarẽã. Mawũẽ bʉta wakusa mʉ pẽwãbʉrʉdꞌera jipa nʉmeãĩta kꞌarebarua bʉzhi mebẽrãta.

Lucas 6:41

¿Kꞌãrẽã bʉ mebea dabʉdꞌe ne jarra kꞌobꞌʉtrʉ akʉpe bʉ dabʉdꞌe bakuru pẽũ nʉmʉrã akʉ ẽpe?

Lucas 6:43

Bakuru biabara zau ẽã zhi tara bia ẽãta, miã bakuru bia ẽãbara zau ẽã zhi tara biata.

Hechos 13:10

mawũãsia: ¡Bʉra ne jõmaʉ̃ne zhãrã sewamiã, ne jõmaʉ̃ne bia ẽã omiã, bʉra ãtõmiã warra, bʉara jõma krĩña ẽã biara! ¿Bʉara idaribi ẽã nʉmaĩka wãrã bedꞌeata Daizezedꞌera?

Hechos 2:38

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Hechos 8:21

Bʉra naʉ̃ kꞌaudꞌa nʉmaĩnebema ẽã, bʉ sora jipa nʉmʉ ẽbaera Daizeze kĩrãbitara.

Romanos 2:1

Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.