Lucas 6:21 - Porciones del Nuevo Testamento

²¹ Sobiaudua Daizezedꞌebema kꞌarea jarra bꞌera, mawũãrã maʉ̃ne nʉmabigaya. Sobiaudua jẽga bꞌera, mawũã bꞌera ipidꞌabigaya.

Lucas 6:21 Kruisverwysings

Mateo 5:4

Sobiaudua jẽga bꞌera, mawũã bꞌera Daizezebara kĩrãtũmabigaya.

Mateo 5:6

Sobiaudua Daizezedꞌebema kꞌarea jarra bꞌera, aramaʉ̃ne izha krĩñata oya bꞌera maʉ̃ne nʉmabigaya.

Lucas 1:53

Jarra bꞌera ne biata dedꞌekasia, waya bara bꞌera buegasia kꞌãrẽ ne ẽã.

Lucas 6:20

Jesúsbara izha jʉrʉkuadꞌata akʉ mawũãsia: Marã sobiaudua Daizezedꞌebemata kꞌawuai kꞌarea zuburia bꞌera, marã mawũãrã Daizezeta Nokꞌodꞌebema.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Lucas 6:25

¡Zuburiadꞌaya zhãrã idꞌidꞌe jãwũã bꞌera! Mawũã bꞌera jarra bꞌeaya. ¡Zuburiadꞌaya zhãrã idꞌidꞌe ipidꞌa bꞌera! Mawũã bꞌera sopua jẽgadꞌaya.

Juan 11:35

Jesús jẽgasia.

Juan 4:10

Mawũãĩ Jesúsbara panaʉ̃ mawũãsia: Daizezeba dia bꞌʉdꞌebemata sãwũãta bʉa kꞌawuara, kꞌaiba baniã mʉã doita diadua abʉrʉta bʉa kꞌawuara, bʉara baniã widꞌikꞌausia, mobedꞌeba mʉãrã diakꞌausia baniã dazhi bꞌabi bꞌʉta.

Juan 6:35

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.