Lucas 6:20 - Porciones del Nuevo Testamento

²⁰ Jesúsbara izha jʉrʉkuadꞌata akʉ mawũãsia: Marã sobiaudua Daizezedꞌebemata kꞌawuai kꞌarea zuburia bꞌera, marã mawũãrã Daizezeta Nokꞌodꞌebema.

Lucas 6:20 Kruisverwysings

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Mateo 25:34

Mobebʉrʉ mʉã Reyba mʉ juwua araare kꞌobꞌea mawũãña: Zeudua, marã mʉ Zezeba bia edabʉrʉa, Daizezeta Nokꞌodꞌebemane duanedua, marãĩta zhi aribꞌaema ẽjũã osidꞌebemata.

Mateo 5:1

Kꞌabanata ũdupe Jesús kꞌatuma zakeidꞌu wãrĩzepe jewedꞌabʉrʉdꞌe orrasidꞌa izha jʉrʉkuadꞌabara.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Lucas 13:28

Mawũãĩ mama tebʉdꞌe jẽgadꞌaya kidꞌa kꞌõsesea. Mawũã jẽgaira ũdudꞌaya Abrahamta, Isaacta, Jacobota, Daizezeba bedꞌeata jarabibarirãta jõma Daizezeta Nokꞌo maẽ ũdudꞌaya marã ãĩ bꞌʉkuadꞌe.

Lucas 14:15

Maʉ̃ta ũrĩpe izhi bawara jewedꞌa nekꞌo kꞌobꞌeba abꞌaʉba Jesúa mawũãsia: Sobiaya zhi nekꞌobʉrʉra Daizezeta Nokꞌo maẽ.

Lucas 16:25

Mawũãĩ Abrahambara mawũãsia: Warra, bʉra bia bꞌadꞌata bude barua, maʉ̃ne Lázaro zuburia bꞌasia. Mawũãmina idꞌira naʉ̃ nama sobia bꞌʉa, maʉ̃ne bʉra zuburia bꞌidꞌa.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Hechos 14:22

Maʉ̃zara wãnigua bꞌeamarẽã jarasidꞌa Jesúsdꞌebema ĩjã bꞌea, aramaʉ̃ne soidꞌu bꞌeamarẽã ũrãgꞌa mawũãsidꞌa: Ne biodꞌe zuburiai bara dazhi edꞌa wãĩrã Daizezeta Nokꞌota bꞌʉ maẽ.