Lucas 6:13 - Porciones del Nuevo Testamento

¹³ Ãsabai izhi pẽwã bꞌeta trʉ̃kuape ãzhidꞌebemata doce jʉrʉkuasia, maʉ̃rã trʉ̃gasia zokꞌakuadꞌa.

Lucas 6:13 Kruisverwysings

Mateo 10:2

Doce zokꞌakuadꞌa trʉ̃rã naʉ̃rãã: Simón, Pedro abadata, Andrés zhi mebeata, Jacobo Zebedeo warrata, Juan zhi mebeata.

Mateo 19:28

Mawũãĩ Jesúsbara mawũãsia: Mʉã wãrĩnu marãã jaraya, ne jõma zhiwidꞌita nʉmebʉrʉdꞌera, mʉ Beubari Bape bꞌadꞌara Reyta jewedꞌaya mʉzhi bugueta kĩrãwãrẽãne, marã mʉ pẽwã bꞌesidꞌa nokꞌorãta jewedꞌa duaneña bugue docedꞌe. Aramaʉ̃ne kꞌawua oduaneña Israel warrarã docedꞌebemata.

Mateo 9:36

Kꞌabanata ũdubʉrʉdꞌera sozuburiasia, Daizezedꞌebema kꞌaiba jarakꞌai ne ẽã dobꞌa bꞌeba ovejarã zhi akʉbari ne ẽkĩrãkꞌa.

Marcos 6:30

Jesúsba zokꞌakuadꞌara izhima ãba zekuape jõma nebʉrʉsidꞌa ãzha kꞌãrẽ odꞌata, ãzhi miã ũrãgꞌadꞌata.

Marcos 6:7

Maʉ̃nerã ãba trʉ̃kuasia doceta, mobe zokꞌakuasia ũme ũmekꞌa, zareata dedꞌekasia jai bꞌe ʉ̃rʉ̃.

Lucas 11:49

Maʉ̃ba arimaẽ kꞌawua Daizezebara mawũãsia: Mʉãrã marãma zokꞌaya mʉã bedꞌeata jarabibarirãta, mʉ bedꞌeata jara wãbadata. Maʉ̃rãnebema ʉ̃kʉrʉ beakuadꞌaya, ʉ̃kʉrʉra zuburia odꞌaya pẽwã.

Lucas 22:30

Aramaʉ̃ne marã nekꞌodꞌaya baniã dodꞌaya mʉta Reyta bꞌʉ maẽ. Maʉ̃nerã marã bugue chubꞌedꞌe nokꞌota jewedꞌadꞌaya kꞌawua odꞌaita Israel warrarã docedꞌebemata.

Lucas 6:14

Ãzhira naʉ̃rãã: Simón, Pedrota trʉ̃gadꞌata, zhi mebea Andrésta. Jacobo, Juan, Felipe, Bartolomé,

Juan 4:33

Mawũãĩ izha jʉrʉkuadꞌabara ãzhirãĩnu mawũãsidꞌa: ¿Iabꞌaʉba zhikota wesi ẽka?

Hechos 1:13

Jerusalén jũẽkuape wãrĩzekuasia kʉdꞌa ʉ̃rʉ̃bemaĩnu. Mobe mama duanesia Pedrota, Jacobota, Juanta, Andrésta, Felipeta, Tomásta, Bartolométa, Mateota, Jacobo Alfeo warrata, Simón Zeloteta, Juda Jacobo warrata.