Lucas 6:12 - Porciones del Nuevo Testamento

¹² Jari ewadera Jesús wãsia kꞌatumaĩnu zhiwidꞌidꞌe, maʉ̃nerã zhiwidꞌi ʉ̃nadrʉsia Daizezea.

Lucas 6:12 Kruisverwysings

Mateo 5:1

Kꞌabanata ũdupe Jesús kꞌatuma zakeidꞌu wãrĩzepe jewedꞌabʉrʉdꞌe orrasidꞌa izha jʉrʉkuadꞌabara.

Mateo 6:6

Mawũãmina bʉ zhiwidꞌibʉrʉdꞌera miõ ne ẽã maẽ wãpe zhiwidꞌidua bʉ Zezea, izhira chupea bʉ ũme nʉmʉã. Mawũãrã bʉ Zezebara bʉ chupea maʉ̃ kꞌaudꞌa bꞌʉta akʉ bꞌʉra maʉ̃bari kꞌãrẽ diaya jõmaʉ̃ daidꞌu.

Marcos 1:35

Daujawedꞌa wadꞌi pãrĩgua kꞌobꞌʉdꞌe Jesús piradrʉpe miõ ne ẽã maẽ wãpe mama zhiwidꞌisia.

Marcos 3:13

Maʉ̃ tẽã Jesús wãrĩzesia kꞌatumaĩnu, mobe izhima trʉ̃kuasia izha krĩñata, mawũẽ zesidꞌa izhima.

Marcos 6:46

Mawũã wãta jarakꞌa tebape kꞌatumaĩnu wãsia zhiwidꞌidꞌe.

Lucas 5:16

Mawũãmina izhira miõ ne ẽã maẽ wã bazhia zhiwidꞌiita.

Lucas 6:11

Mawũẽ ãzhira kꞌãbãẽã kĩrũbʉdaba ãzhirãĩnu bedꞌeasidꞌa Jesús sãwũã odꞌaita.

Lucas 6:17

Mawũã izha jʉrʉkuadꞌa bawara Jesús kꞌatumaneba yedꞌaa zepe kꞌoriwidꞌe bꞌesia. Maʉ̃nerã izhi pẽwã bꞌebara kꞌabana bawarauba bʉredrʉsidꞌa. Maʉ̃rã zekuasia Judea druadꞌeba, Jerusalén pʉwʉrʉdꞌeba, pusa doya Tiro pʉwʉrʉ tabꞌʉ maẽba, Sidón pʉwʉrʉdꞌeba, zekuasia izhi bedꞌeata ũrĩnaĩta, aramaʉ̃ne bꞌekuaita ãzhi kꞌaya bꞌeta.

Lucas 9:18

Ewari abꞌa Jesús zhãrã maẽbara ãĩ zhiwidꞌi bꞌʉdꞌe, izha jʉrʉkuadꞌata izhi bawara kꞌopanʉne widꞌi mawũãsia: ¿Zhãrãbara mʉrã kꞌaita jara panʉ?

Lucas 9:28

Maʉ̃ta jaradꞌa tẽã ewari ocho babʉrʉdꞌe Jesúsbara jʉre edesia Pedrota, Juanta, Jacobota, aramaʉ̃ne kꞌatumaĩnu wãrĩzesia zhiwidꞌidꞌe.

Lucas 9:29

Zhiwidꞌi nʉmʉne kĩrã awuarasia, izhi wuara totroa ʉ̃nasia.

Juan 6:3

Mawũẽ Jesús wãrĩzesia kꞌatuma zakeidꞌu, mobe mama jewedꞌasia izha jʉrʉkuadꞌa bawara.