Lucas 5:33 - Porciones del Nuevo Testamento

³³ Mawũẽ ãzhara Jesúa mawũãsidꞌa: ¿Kꞌãrẽneba Juanba jʉrʉkuadꞌara biodꞌe nekꞌo ẽã zhiwidꞌi duanu, abꞌarika bꞌea fariseorãnesidꞌa, mawũãmina bʉrera nekꞌo kꞌãrẽ do duanu ẽka?

Lucas 5:33 Kruisverwysings

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Marcos 12:40

Deta wũẽrãrã pẽdrarãneta jãrĩ bꞌea, mobe zhãrãma bia nʉmaĩta dããrã zhiwidꞌibada. Maʉ̃neba maʉ̃rã Daizezebara audre pua kꞌawua oya.

Lucas 11:1

Ewari abꞌa Jesús zhiwidꞌi nʉmape zhiwidꞌi berabꞌaribʉrʉdꞌera izha jʉrʉkuadꞌaba abꞌaʉba mawũãsia: Nokꞌó, daia jaradedꞌekarua zhiwidꞌiita, Juanba jaradedꞌekadꞌa kĩrãkꞌa izha jʉrʉkuadꞌaa.

Lucas 18:12

Mʉrã nekꞌo ẽã zhiwidꞌi bꞌidꞌabaria, maʉ̃ta semanane oma ũme obaria, diez bꞌʉta abꞌa bʉaa dia bꞌʉa jõma mʉã jidabʉrʉra.

Lucas 2:37

Pẽdrata bꞌʉta ochenta y cuatro año bata bꞌasia. Izhira Daizeze dedꞌa ewara maẽ wã tau ẽãta diamase ewaridꞌe Daizeze ibia jara bꞌidꞌa bazhia nekꞌo ẽã zhiwidꞌi.

Lucas 20:47

Deta wũẽrãrã pẽdrarãneta jãrĩ bꞌea, mobe zhãrãma bia nʉmaĩta dããrã zhiwidꞌibada. Maʉ̃neba maʉ̃rã Daizezebara audre pua kꞌawua oya.

Lucas 5:32

Aramaʉ̃ kĩrãkꞌa mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Lucas 5:34

Mawũãnaĩ Jesúsbara mawũãsia: ¿Zhãrã juwua jida nʉmʉne duanurã marãbara nekꞌobidꞌa ẽã duanabidꞌaika zhũmakĩrãta wadꞌi bꞌʉdꞌera ãzhi bawara?

Juan 1:35

Nrũẽma Juan wakusa mama bꞌasia izha jʉrʉkuadꞌata ũme bawara.

Juan 3:25

Maʉ̃ne Juanba jʉrʉkuadꞌata judíorã ʉ̃kʉrʉ bawara kꞌaikꞌaiasidꞌa Daizeze kĩrãbita bia bꞌeaita ne sʉgʉ badadꞌebema kꞌarea.

Hechos 9:11

Mawũãĩ Nokꞌobara mawũãsia: Piradrʉpe wãrũã pʉwʉrʉdꞌe o Jipata jarabadaidꞌu. Mobe Juda dedꞌa jʉrʉdua iabꞌa Saulo abadata Tarso pʉwʉrʉdꞌebemata, izhira zhiwidꞌi nʉmʉã.