Lucas 5:2 - Porciones del Nuevo Testamento

² Maʉ̃ne izha ũdusia jãbata ũme doya õpanʉta. Bꞌeda beabadara jãbadꞌeba ãĩ wãnape ãzhi atarraya sʉgʉ duanasia.

Lucas 5:2 Kruisverwysings

Mateo 4:18

Galileadꞌebemata do jedꞌea õbꞌʉ doya Jesús taidꞌe, ũme mebẽrãta panʉta ũdusia, abꞌa Simónta Pedro basia, zhi mebea Andrés basia. Do jedꞌea õbꞌʉ maẽ atarrayata bꞌari panasia bꞌeda beamiãta panasi baera.

Mateo 4:21

Mamaʉ̃ba Jesús wãbʉrʉdꞌera dewara awʉrʉrãta ũme mebẽrãta panʉta ũdusia, Jacobota zhi mebea Juanta ũdusia, Zebedeo warrarãta ãzhi zeze Zebedeo bawara jãbadꞌe bꞌeta, ãzhi atarrayata tʉdꞌʉzoadꞌata araa jʉ̃kua duanasia, Jesúsbara maʉ̃ne jʉrʉkuasia.

Marcos 1:16

Galileadꞌebemata do jedꞌea õbꞌʉ doya Jesús taidꞌe ũdusia Simónta, zhi mebea Andrésta. Do jedꞌea õbꞌʉ maẽ atarraya bꞌari panasia bꞌeda beamiãta panasi baera.

Marcos 1:19

Mamaʉ̃ba Jesús arana wãbʉrʉdꞌera ũdusia Jacobota, zhi mebea Juanta Zebedeo warrarãta. Jãbadꞌe panʉta atarraya tʉdꞌʉzoadꞌata araa jʉ̃kua panasia.

Lucas 5:1

Ewari abꞌa Jesús bꞌʉta Genesaret dota jedꞌea õbꞌʉ doya bꞌʉdꞌe, izhira kꞌabanaba pẽũsua erubarabꞌesia Daizeze bedꞌeata ũrĩnaĩ kꞌarea.

Lucas 5:3

Mawũẽ maʉ̃ abꞌaʉdꞌe edꞌa bꞌaribʉrʉta Simón jãbadꞌe bꞌaripe jarasia doyauba wĩka nabuaedꞌa ededꞌamarẽã. Mobe jewedꞌape jãbadꞌeba ũrãgꞌasia kꞌabanata.

Juan 1:40

Andrés basia, Simón Pedro mebeara, ũmenebema abꞌa Andrés basia Juanba jarabʉrʉta ũrĩnape wãnapeadꞌara Jesús kꞌaidꞌu.