Lucas 4:41 - Porciones del Nuevo Testamento

⁴¹ Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Lucas 4:41 Kruisverwysings

Mateo 26:63

Mawũãĩ Jesús chupea kꞌobꞌasia. Mawũẽ sacerdote wagꞌaubara mawũãsia: Daizeze zokꞌai bꞌʉ daidꞌu mʉã bʉaa jaraya, daia jaradua bʉta zhãrã Ẽdrʉbita Daizeze Warrabʉrʉ.

Mateo 4:3

Maʉ̃ne wãẽãbii kꞌarea ãtõmiã izhima zepe mawũãsia: Bʉta Daizeze Warrabʉrʉ mongꞌara za tabꞌea jaradua pan bakuamarẽã.

Mateo 8:16

Keubʉrʉdꞌera Jesúsma bio wesidꞌa jai abꞌeta. Mawũẽ bedꞌeama abꞌaʉba jaira ãĩ jʉrekuasia, jõma bꞌebikuasia kꞌayarãsidꞌa.

Mateo 8:29

Mawũẽ nemi jĩgua mawũãsidꞌa: ¿Dai bawara bʉra kꞌãrẽta sãwũã bꞌʉ Jesús Daizeze Warra? ¿Naĩnu zebʉrʉka dai zuburia oita ewari nawedꞌa?

Mateo 8:4

Mobebʉrʉ Jesúsbara mawũãsia: Bʉ kꞌãwũã bꞌebʉrʉta miõã jararãrũã, awuarabʉrʉ wãpe sacerdotea ũdubirua, mobe bʉzhi bꞌedꞌabari nendʉwʉrʉta babuedꞌamarẽã diadua, Moiséba jaradꞌa kĩrãkꞌa odua bʉ bꞌebʉrʉta ãzha kꞌawuadꞌamarẽã.

Marcos 1:25

Mawũãĩ Jesúsbara kẽã mawũãsia: ¡Chupearua, kꞌãʉ̃nebara ãĩ wãrũã!

Marcos 1:32

Keubʉrʉta ʉ̃madau bꞌaebʉrʉdꞌera Jesúsma wesidꞌa jõma kꞌayarãta, jai abꞌeta.

Marcos 1:34

Maʉ̃nerã bio bꞌebikuasia ne kĩrãtõnoãba kꞌaya bꞌeta, zhãrãnebara jaira bio ãĩ jʉrekuasia. Jaira bedꞌeabiga ẽbasia izhira kꞌaita kꞌawua bꞌe baera.

Marcos 3:11

Jaiba Jesústa ũdudꞌai zhãrã kĩrãnema bꞌera izhi kĩrãbita sãkꞌokꞌodꞌe kꞌobꞌebidꞌape bꞌia mawũãsidꞌa: ¡Bʉra Daizeze Warra!

Lucas 4:39

Mawũẽ Jesús izhima bꞌarrupe kʉwamiã kẽãsia, mawũẽ kʉwamiãbara kenabꞌaribʉrʉba izhira audre ẽãne piradrʉpe ne jigasia.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.