Lucas 4:18 - Porciones del Nuevo Testamento

¹⁸ Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Lucas 4:18 Kruisverwysings

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Mateo 12:18

Naʉ̃ta mʉ nezokꞌa, mʉã jʉrʉdꞌata bꞌʉa. Mʉã kʉãgꞌata bꞌʉa, mʉrã izhi kꞌarea sobia bꞌʉa. Jawurebia mʉrẽta diaya, izhara zhãrã bꞌea jaraya mʉã bedꞌea ne ẽã bꞌeabiidꞌebemata.

Mateo 12:20

Cha bꞌʉadea bꞌʉra bꞌʉeta ẽã, ĩbĩrã kidrʉ bꞌʉra kia ẽã. Bia nʉmaña bꞌʉta aramaʉ̃ kĩrãkꞌa edaya bia nʉmabiyeedꞌa.

Mateo 4:16

marã pãrĩguadꞌe bꞌeta Daizezedꞌebema kꞌawuabʉdaba ũdudꞌaya ʉ̃na zromata. Mawũẽ aduaita beuita bꞌeadꞌaitara ʉ̃nata uruzhaya. (Isaías 9:1-2)

Mateo 5:3

Sobiaudua Daizezedꞌebemata kꞌawuai kꞌarea zuburia bꞌera, mawũã bꞌera Daizezeta Nokꞌodꞌebema.

Lucas 4:17

Librota diasidꞌa Daizezeba bedꞌeata jarabibaridꞌeta Isaíadꞌeta. Maʉ̃ libro ewabʉrʉdꞌera ũdusia zhi bꞌʉmata mawũã bʉta:

Lucas 6:20

Jesúsbara izha jʉrʉkuadꞌata akʉ mawũãsia: Marã sobiaudua Daizezedꞌebemata kꞌawuai kꞌarea zuburia bꞌera, marã mawũãrã Daizezeta Nokꞌodꞌebema.

Lucas 7:22

Jesúsbara panaʉ̃ mawũãsia: Wãũdua, mobe Juanʉã kꞌawuabiudua mazha ũrĩbʉdata mazha ũdubʉdata. Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Juan 1:41

Andrésbara naara zhi mebea Simónta jʉrʉ wãpe ũdui mawũãsia: Daibara ũdusidꞌa zhãrã Ẽdrʉbira.

Juan 12:46

Mʉta ʉ̃nata zesia naʉ̃ ẽjũãẽna, mʉnebema ĩjãbʉdara pãrĩguadꞌe bꞌea ẽbamarẽã.

Juan 3:34

Daizezeba zokꞌadꞌabara Daizeze bedꞌeata jara bꞌʉa Daizezeba Jawurebiata diadꞌaba.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 26:18

Aramaʉ̃ne mʉ bedꞌea wãrãta kꞌawuabʉdaba dabʉ ewekuamarẽã, pãrĩguadꞌe bꞌeadꞌata aramaʉ̃ne bꞌeaya ʉ̃nane, ãtõmiã zarea edre bꞌeadꞌata aramaʉ̃ne zedꞌaya Daizezema. Aramaʉ̃ne mʉnebemata ĩjãbʉdaba Daizezebara bedꞌea ne ẽã duanebiya kꞌazhiruata biodꞌeba, aramaʉ̃ne bꞌeaya izhidꞌeta bꞌedꞌebemata.

Hechos 4:26

Reyrãta druadꞌe bꞌera nokꞌorã bawara zhi jʉredꞌape, ãba zhõnaña Daizeze ũme, zhãrã Ẽdrʉbita izhidꞌe ũme. (Salmos 2:1-2)

Hechos 4:27

Wãrĩnu naʉ̃ pʉwʉrʉdꞌera ãba jirpanesia Herodeta, Poncio Pilatota, judíorã ẽãta, Israel bꞌeta. Mawũã ãba jirpanesia bʉ Warra Jesús beadꞌaita zhãrã Ẽdrʉbiita bʉa jʉrʉdꞌata.