Lucas 4:17 - Porciones del Nuevo Testamento

¹⁷ Librota diasidꞌa Daizezeba bedꞌeata jarabibaridꞌeta Isaíadꞌeta. Maʉ̃ libro ewabʉrʉdꞌera ũdusia zhi bꞌʉmata mawũã bʉta:

Lucas 4:17 Kruisverwysings

Lucas 16:29

Mawũãĩ Abrahambara mawũãsia: Ũrãgꞌa Moisédꞌeta, ũrãgꞌa Daizezeba bedꞌeata jarabibarirãneta erubꞌea, mawũẽ maʉ̃ta ũrĩnaĩbara.

Lucas 20:42

Davidbara Salmo librodꞌe mawũãsia: Daizezebara mʉ Nokꞌoa mawũãsia: Mʉ juwua araare jewedꞌarua,

Lucas 4:16

Jesús wãsia Nazaret pʉwʉrʉedꞌa izhi waridꞌaidꞌu. Ẽnaʉ̃bada ewade de zhi jʉrebada maẽ edꞌa wãsia izhi kꞌawa bꞌʉ kĩrãkꞌa, mobe piradrʉsia Daizeze bedꞌeata leita.

Lucas 4:18

Jawurebia Daizezedꞌera mʉne bꞌʉa, mʉrã jʉrʉsi baera bedꞌea biata jaramarẽã zuburia bꞌea. Mʉrã zokꞌasia sobia omarẽã sopua bꞌeta, ẽdrʉbiita jaramarẽã jida erubꞌeta, ne ũdubimarẽã daʉbꞌerrea bꞌeta, ẽdrʉbimarẽã zuburia obꞌeta.

Lucas 4:20

Mawũã lepe libro burape diasia zhi wuagꞌabaria, mobe jewedꞌasia. Maʉ̃nerã de zhi jʉrebada maẽrã izhira jõmaʉ̃ba akʉ duanasia.

Hechos 13:15

Moisé ũrãgꞌata ledꞌape, Daizezeba bedꞌeata jarabibarirã bedꞌeata ledꞌape, de zhi jʉrebada maẽ nokꞌorãbara zhãrãta zokꞌasidꞌa mawũãnamarẽã: Mebẽrã, marãba zhãrã ũrãgꞌai bedꞌeata erupanʉbʉrʉ bedꞌeaudua.

Hechos 13:27

Jerusalénne bꞌebara nokꞌorã ãzhidꞌe bawarauba kꞌawuadꞌa ẽbasia Jesúsdꞌebema sãwũãta, Daizezeba bedꞌeata jarabibarirãba Jesúsdꞌebema jaradꞌapeadꞌata ewari ẽnaʉ̃badaza le bꞌesidꞌa sãwũãta kꞌawuadꞌa ẽbasia. Aramaʉ̃ne maʉ̃rãba jaradꞌapeadꞌata arimaẽ berabꞌaribisidꞌa beabibʉdaba.

Hechos 7:42

Mawũẽ Daizezera ãĩ wãsia ãzhi maẽbara. Aramaʉ̃ne idaribisia bãjãne chĩdau jizoa nʉmʉta zhi zromane edadꞌamarẽã. Maʉ̃ẽnabemata zhi bꞌʉmata Daizezeba bedꞌeata jarabibarirã librodꞌe mawũã bꞌʉa: ¿Drua drudrua tabꞌʉ maẽ cuarenta año bꞌeasidꞌera mʉĩtara ne beasidꞌakꞌa marã Israel bꞌebara?