Lucas 3:22 - Porciones del Nuevo Testamento

²² Mawũẽ Jawurebiata izhi ʉ̃rʉ̃ zesia pusirã kĩrãkꞌa. Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Lucas 3:22 Kruisverwysings

Mateo 12:18

Naʉ̃ta mʉ nezokꞌa, mʉã jʉrʉdꞌata bꞌʉa. Mʉã kʉãgꞌata bꞌʉa, mʉrã izhi kꞌarea sobia bꞌʉa. Jawurebia mʉrẽta diaya, izhara zhãrã bꞌea jaraya mʉã bedꞌea ne ẽã bꞌeabiidꞌebemata.

Mateo 17:5

Mawũã bedꞌea kꞌobꞌʉdꞌe ãzhira ãnabꞌarisia jãrãrã ʉ̃naba, maʉ̃ne Daizezeta jãrãrãneba bedꞌeabʉrʉta mawũãsia: Naʉ̃ mʉ warra mʉãrã kʉãgꞌa, mʉrã izhi kꞌarea sobia bꞌʉa, izhi bedꞌeara ũrĩũdua.

Mateo 27:43

Daizezeta krĩcha bꞌʉa, mawũẽ Daizezeba kʉãgꞌabʉrʉ aramaʉ̃ta kꞌarebaya. Maʉ̃ẽnabema izhara mawũãsia: Mʉrã Daizeze Warra.

Mateo 3:13

Jesús Galileadꞌeba Juanma Jordán doidꞌu zesia Juanba buru kꞌoemarẽã.

Mateo 3:16

Jesús buru kꞌoepe doedꞌauba drua wãta taidꞌe, bãjã ewa dogꞌoba Jawurebia Daizezedꞌeta ũdusia pusirã kĩrãkꞌa izhi ʉ̃rʉ̃ uruta.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Marcos 1:11

Maʉ̃ne Daizezeta bãjãneba bedꞌeabʉrʉta mawũãsia: Bʉra mʉ Warra mʉãrã kʉãgꞌa, mʉrã bʉ kꞌarea sobia bꞌʉa.

Marcos 1:9

Jari ewadera pʉwʉrʉ Galilea druadꞌebema Nazaret abada maẽba Jesús zebʉrʉdꞌera Juanba buru kꞌoesia Jordán dodꞌe.

Marcos 9:7

Maʉ̃ne ãzhi ʉ̃rʉ̃ zesia jãrãrãta, maʉ̃ jãrãrãneba Daizezeta bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, izhi bedꞌeara ũrĩũdua.

Lucas 2:14

¡Daizezera ibia jaraudua ʉ̃trera, druadꞌera adu-a bꞌeaya izha bia erunʉmʉta bꞌera!

Lucas 4:21

Mawũẽ mawũãsia: Mʉã zhãrã ẽdrʉbigaita mawũã zhi bꞌʉmata idꞌi arimaẽ berabꞌaria mazhi kĩrãbita.

Juan 1:32

Juanbara dewara mawũãsia: Jawurebia Daizezedꞌeta mʉã ũdusia ʉ̃treba pusirã kĩrãkꞌa uruta, maʉ̃ bꞌarisia Jesú ʉ̃rʉ̃.

Juan 12:28

Mawũẽ mʉãrã mawũãña: Zeze, bʉra zhi zromata ũdukꞌawabigarua. Maʉ̃ne Daizeze ʉ̃treba bedꞌeabʉrʉta mawũãsia: Mʉrã zhi zromata ũdukꞌawabiga bꞌʉta mʉãrã wakusa ũdukꞌawabigaya.

Juan 5:37

Mʉ Zeze mʉ zokꞌadꞌabidꞌa mʉnebemata jara bꞌʉa. Marãbara ũrĩnakꞌa izhi nemirã, miã ũdudꞌakꞌa izhira.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.