Lucas 3:2 - Porciones del Nuevo Testamento

² Anás dewara Caifás sacerdoterã wagꞌaurãta panʉne, Juan Zacaría warraa Daizezeta bedꞌeasia drua drudrua tabꞌʉ maẽ.

Lucas 3:2 Kruisverwysings

Mateo 11:7

Juanba zokꞌakuadꞌata wãbʉdadꞌera Jesúsbara Juan jarabʉrʉta zhãrã kꞌobꞌea mawũãsia: ¿Drua drudrua tabꞌʉidꞌura marãbara kꞌãrẽta akʉdꞌe jũẽsidꞌa? ¿Bariduta bꞌʉta akʉdꞌe jũẽsidꞌakꞌa?

Mateo 26:3

Maʉ̃nerã sacerdoterã nokꞌorãta, ũrãgꞌa Moisédꞌe jarabadata, nokꞌorã pʉwʉrʉdꞌebemata zhi jʉresidꞌa sacerdote wagꞌauta Caifás abada drogꞌoadꞌe.

Marcos 1:2

Izhi na zokꞌadꞌaira zhi bꞌʉmata Daizezeba bedꞌeata jarabibariba Isaíaba mawũãsia: Mʉ bedꞌeata jarabarita mʉã bʉ na zokꞌaya, maʉ̃bara bia ẽãrã idu bꞌʉdꞌaita bꞌeabiya bʉ uru na.

Lucas 1:80

Zacaría warra zarea warisia Jawurebiaba. Izhira drua drudrua tabꞌʉ maẽ bꞌasia miã ũrãgꞌaita zhi ũdubigadꞌa ewariidꞌu Israel bꞌea.

Juan 1:23

Mawũãnaĩ Juanbara mawũãsia: Mʉrã iabꞌa nemi jĩgua bedꞌeaidꞌebemata drua drudrua tabꞌʉ maẽ mawũãĩnebema: Bia ẽãrã ãmabʉdaba jipa obʉdakꞌaudua Nokꞌo zei ota. (Isaías 40:3) Mawũãĩnebema Daizezeba bedꞌeata jarabibariba Isaíaba jaradꞌa kĩrãkꞌa.

Juan 18:24

Mobebʉrʉ Anás sacerdote wagꞌauta bꞌadꞌabara jʉ̃ diabuesia Caifás sacerdote wagꞌauma.

Hechos 4:6

Mama kꞌobꞌasia sacerdote wagꞌau Anásta, dewara zhi mebẽrãta kꞌopanasia Caifásta, Juanta, Alejandrota, jõma kꞌopanasia dewaraurãsidꞌa.