Lucas 24:46 - Porciones del Nuevo Testamento

⁴⁶ Mobe mawũãsia: Mawũã zhi bꞌʉmaneba zhãrã Ẽdrʉbira beuita bara basia beudꞌata piradrʉita ewari ũbeadꞌe.

Lucas 24:46 Kruisverwysings

Mateo 26:24

Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.

Lucas 24:44

Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 24:7

Mawũãsia: Mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe, maʉ̃nerã cruzdꞌe kꞌachidꞌaya, maʉ̃ta beudꞌata piradrʉya ewari ũbeadꞌe.

Juan 20:9

Maʉ̃ẽnabema wadꞌi sãwũãta kꞌawuadꞌa ẽãrã zhi bꞌʉmata, Jesús mawũã beudꞌata piradrʉi bara basia.

Hechos 17:3

Zhi bꞌʉmaneba bia jarakꞌasia zhãrã Ẽdrʉbira zuburiaidꞌe bꞌasita, beudꞌata piradrʉidꞌe bꞌasita. Maʉ̃nerã mawũãsia: Jesús mʉã marãã jarakꞌa bꞌʉra zhãrã Ẽdrʉbia.

Hechos 4:12

Awʉrʉdꞌebara ẽdrʉ ẽã, naʉ̃ ẽjũãnerã awʉrʉrã ne ẽã Daizezeba zhãrã bꞌea diadꞌara dazhirã maʉ̃neba ẽdrʉdꞌaira.