Lucas 24:44 - Porciones del Nuevo Testamento

⁴⁴ Mobe mawũãsia: Mʉ kꞌãwũã berabꞌaribʉrʉra mʉã marãã zhi jarama basia mʉ wadꞌi marã bawara bꞌʉdꞌe: Kꞌãwũã arimaẽ berabꞌariita bara basia jõma mʉnebemata zhi bꞌʉmata Moisé ũrãgꞌadꞌe tabꞌeta, Daizezeba bedꞌeata jarabibarirãba bꞌʉdꞌapeadꞌata tabꞌeta, Salmone tabꞌeta.

Lucas 24:44 Kruisverwysings

Mateo 1:22

Maʉ̃ jõma Daizezeba jaradꞌata arimaẽ berabꞌarisia izha bedꞌeata jarabibaridꞌeba mawũãnata:

Mateo 16:21

Maʉ̃ ewadeba Jesúsbara izha jʉrʉkuadꞌaa jarakꞌasia izhira Jerusalén pʉwʉrʉedꞌa wãĩta barata, jarasia biodꞌe zuburia odꞌaita nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Jarasia aramaʉ̃ne beadꞌaita, maʉ̃ta piradrʉita ewari ũbeadꞌe.

Mateo 26:54

¿Mawũãmina mawũãrã mʉnebemata bꞌʉ tabꞌera sãwũã arimaẽ berabꞌariipe, maʉ̃ne mawũã berabꞌarii bara ẽka?

Mateo 26:56

Mawũãmina naʉ̃ jõma kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata Daizezeba bedꞌeata jarabibarirãba jaradꞌapeadꞌata. Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.

Marcos 9:31

Maʉ̃ẽnabema izhara ũrãgꞌa nʉmasia izha jʉrʉkuadꞌata, maʉ̃nerã mawũãsia: Mʉ Beubari Bape bꞌʉra zhãrã juwuadꞌe chãbꞌaridꞌaya, maʉ̃nerã beadꞌaya. Mawũãmina beudꞌata piradrʉya ewari ũbeadꞌe.

Lucas 21:22

Maʉ̃ ewadera Daizezebara zuburia okuaya, aramaʉ̃ne jõma arimeã berabꞌariya maʉ̃ẽnabemata zhi bꞌʉmata.

Lucas 22:37

Mʉã marãã jaraya, mʉnebemata wadꞌi arimaẽ berabꞌarii bara zhi bꞌʉmata mawũã bꞌʉta: Abꞌarika edasidꞌa bia ẽã omiãrã bawara. Aramaʉ̃ne mʉnebemata bꞌʉ tabꞌʉra arimaẽ berabꞌariya.

Lucas 24:46

Mobe mawũãsia: Mawũã zhi bꞌʉmaneba zhãrã Ẽdrʉbira beuita bara basia beudꞌata piradrʉita ewari ũbeadꞌe.

Lucas 9:22

mawũãsia: Mʉ Beubari Bape bꞌʉra ne biodꞌe zuburiaya, seribidꞌa ẽbaya nokꞌorãba, sacerdoterã nokꞌorãba, ũrãgꞌa Moisédꞌe jarabadaba. Aramaʉ̃ne beabʉdadꞌera piradrʉya ewari ũbeadꞌe.

Lucas 9:44

Bude badꞌaita mʉã jaraita bia ũrĩũdua. Mʉ Beubari Bape bꞌʉra chãbꞌaridꞌaya zhãrã juwuadꞌe.

Juan 3:14

Drua drudrua tabꞌʉ maẽ Moiséba dãma ʉ̃tʉ jirabꞌʉdꞌa kĩrãkꞌa, mʉ Beubari Bape bꞌʉra ʉ̃tʉ jirabꞌʉdꞌaya.

Juan 5:39

Daizeze bedꞌeata zhi bꞌʉmarã marãbara kĩrãkuita estudia bꞌea, mazhima maʉ̃neba erubꞌeba Daizeze ũme bꞌai jõ ẽãta, mawũã zhi bꞌʉmabara jara bꞌʉa mʉnebemata.

Juan 5:46

Moiséba bꞌʉdꞌata marãba ĩjã bꞌebʉrʉ mʉnebemata ĩjãkꞌausidꞌa, izhara mʉnebemata bꞌʉdꞌaba.

Hechos 13:33

Maʉ̃ Daizezebara dazhirã ãzhi warrarãĩta aribꞌaebʉrʉta beudꞌata piradrʉbisia Jesúra. Maʉ̃ta zhi bꞌʉmata Salmo ũmene mawũã bꞌʉa: Bʉra mʉ Warra, mʉã bʉra bꞌidꞌapʉa idꞌi.

Hechos 13:40

Mawũẽ kĩrãkuitaudua marã ʉ̃rʉ̃ ze ẽbamarẽã Daizezeba bedꞌeata jarabibarirãba mawũãnapeadꞌata:

Hechos 2:27

Bʉara mʉ jawurera ãmaẽ ẽã beudꞌata bꞌe maẽrã, mʉrã bʉ nezokꞌa kĩrãẽpa bꞌʉra bꞌerawabi ẽã.

Hechos 3:18

Mawũãmina aramaʉ̃ne Daizezeba aribꞌaesia izha nawedꞌa jaradꞌata, izha bedꞌeata jarabibarirã idꞌeba jarasia zhãrã Ẽdrʉbita izhidꞌera beuita.

Hechos 7:37

Maʉ̃ Moisébara Israelirãã mawũãsia: Nokꞌo marã Zhibaribara marã ʉredꞌebemata izha bedꞌeata jarabibarita piradrʉbiya mʉ kĩrãkꞌa. Maʉ̃ bedꞌeara ũrĩũdua.