Lucas 23:5 - Porciones del Nuevo Testamento

⁵ Mawũãĩ ãzhara wuaabʉrʉ mawũãsidꞌa: Zhãrãta nokꞌorã bawara kĩrũbiga bꞌʉta miã ũrãgꞌa bꞌʉa Judea drua jõma, Galilea druadꞌeba erujʉ̃drʉdꞌata naĩnu ba.

Lucas 23:5 Kruisverwysings

Mateo 11:1

Izha jʉrʉkuadꞌata doce bꞌea Jesúsbara maʉ̃ta ma jarape mamaʉ̃bara wãsia pʉwʉrʉza miã ũrãgꞌadꞌe.

Mateo 2:1

Judea druadꞌe Belén pʉwʉrʉdꞌe Jesús tosidꞌera, maʉ̃ druadꞌera Herodeta reyta bꞌasia, maʉ̃ne ʉ̃madau ʉ̃tʉ zebariareba Jerusalén pʉwʉrʉedꞌa zesidꞌa chĩdaudꞌeba ne arimaẽ jarabadata.

Mateo 27:24

Mawũẽ Pilatobara kꞌãrẽ obꞌe ẽãta kꞌawuape wuaabʉrʉ kĩrũbʉkabʉdaba baniãta jiraedape juwua sʉgʉsia zhãrã kꞌobꞌe kĩrãbita, mobe mawũãsia: Mʉrã bedꞌea ne ẽbaya naʉ̃ biata bꞌʉ bebubara. Marãtrʉ naʉ̃ kꞌaudꞌa bꞌea.

Mateo 4:23

Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Marcos 1:14

Juan cárceldꞌe bꞌʉdꞌapeadꞌa tẽãne Jesús Galilea druaedꞌa wãsia bedꞌea biata jaradꞌe Daizezeta Nokꞌodꞌebemata.

Lucas 11:53

Jesúsba maʉ̃ta jarabʉrʉdꞌera ũrãgꞌa Moisédꞌe jarabadara fariseorã bawara kꞌãbãẽã bĩ ẽãsidꞌa, mawũẽ bedꞌeata widꞌisidꞌa ne bio jara bedꞌeamarẽã.

Lucas 23:23

Mawũãĩ ãzhara wuaabʉrʉ nemi jĩgua jarasidꞌa cruzdꞌe kꞌachibimarẽã. Sacerdoterã nokꞌorã bawara ãzhi mawũã nemi jĩgua bꞌiabʉdaba aribꞌaesia.

Lucas 23:6

Mawũã Galilea jarabʉdata Pilatoba ũrĩĩ widꞌisia Galileadꞌebema kꞌawuaita.

Juan 1:43

Nrũẽma Jesús Galilea druaedꞌa wãĩta babʉrʉdꞌera, Felipeta ũdupe mawũãsia: Mʉ kꞌaidꞌu bꞌadua.

Juan 19:15

Mawũãĩ nemi jĩgua mawũãsidꞌa: ¡Beabirua! ¡Beabirua! ¡Cruzdꞌe kꞌachibirua! Mawũãnaĩ Pilatobara mawũãsia: ¿Marã Reyra mʉã cruzdꞌe kꞌachibiidꞌe bꞌʉka? Mawũãĩ sacerdoterã nokꞌorãbara panaʉ̃ mawũãsidꞌa: Daibara rey ãmaña eruduanu ẽã rey César awuarara.

Juan 2:11

Maʉ̃ ũdudꞌakꞌata naarabemata obʉrʉra Jesúsbara osia Caná pʉwʉrʉdꞌe Galilea druadꞌe, aramaʉ̃ne ũdubigasia izhira zhi zromata, mawũẽ izha jʉrʉkuadꞌabara wuaabʉrʉ ĩjãsidꞌa izhidꞌebemata.

Juan 7:41

Waya ʉ̃kʉrʉbara mawũãsidꞌa: Naʉ̃ zhãrã Ẽdrʉbia. Mawũãmina ʉ̃kʉrʉbara mawũãsidꞌa: ¿Galileadꞌebara ʉ̃tʉ zeita bꞌʉka zhãrã Ẽdrʉbiira?

Juan 7:52

Mawũãĩ panaʉ̃ mawũãsidꞌa: ¿Bʉsidꞌa Galileadꞌebemakꞌa? Daizeze bedꞌeata bia estudiadua, mawũãrã kꞌawuaya Galileadꞌebara piradrʉkꞌata Daizezeba bedꞌeata jarabibarira.

Hechos 10:37

Marãbara kꞌawua bꞌea sãwũã trʉ̃poadꞌata Judea drua jõma, mawũã trʉ̃poasia Galileadꞌeba, buru kꞌoedꞌamarẽã jaradꞌa tẽã Juanba.

Hechos 23:10

Aramaʉ̃ne wuaabʉrʉ kꞌaikꞌaia jirpanʉba soldaorã nokꞌota wagꞌaura perasia, mawũẽ ãzhara Pablora baʉcha naʉ̃sãbidꞌaidꞌeba soldaorãã jarasia wãnape zhãrã maẽbara edꞌa ededꞌamarẽã ãzhi soldaorã tabꞌʉ maẽ.

Hechos 5:33

Ãzhara maʉ̃ta ũrĩnape kĩrũbiba jarirã bea krĩñasidꞌa.

Hechos 7:54

Maʉ̃ta ũrĩnape kidꞌa kꞌõsesea sodꞌeba kĩrũsidꞌa izhi ʉ̃rʉ̃.

Hechos 7:57

Mawũãĩ bꞌia ãzhi kʉwʉrʉ ãna jidadꞌape Esteban orraedasidꞌa.