Lucas 23:40 - Porciones del Nuevo Testamento

⁴⁰ Mawũãĩ dewarabemaba panaʉ̃ kẽã mawũãsia: ¿Bʉsidꞌa abꞌarika beuidꞌe bʉara wawia ẽka Daizezera?

Lucas 23:40 Kruisverwysings

Mateo 20:9

A las cinco trajadꞌe wãnapeadꞌata zebʉdadꞌera abꞌa abꞌaʉba jidasidꞌa denario abꞌa.

Mateo 8:26

Mawũãnaĩ izhara mawũãsia: ¿Kꞌãrẽã pera kꞌobꞌe? Marã soidꞌu kꞌobꞌaita wãẽã bꞌea. Mobe piradrʉpe kẽãsia nanguta, do bomatʉta, mawũẽ jipa taukua nʉmaẽdasia.

Lucas 12:5

Mawũãmina kꞌaitrʉ wawiadꞌaita mʉã marãã jaraya: Daizezetrʉ wawiaudua, zhãrã beubipe jawure tebʉdꞌe bꞌaribuei zareata erubꞌʉa. Mʉã marãã jaraya, izhitrʉ wawiaudua.

Lucas 23:39

Bia ẽã omiãrãta kꞌachi jirapanʉbara abꞌaʉba Jesús ijura jara mawũãsia: Bʉta zhãrã Ẽdrʉbibʉrʉ bʉzhikusa ẽdrʉrua, ẽdrʉbigarua daisidꞌa.

Lucas 23:41

Dazhira wãrãnebai bia zuburia barabꞌʉa, kꞌãwũã barabꞌʉa dazha bia ẽãta odꞌapeadꞌadꞌeba. Maʉ̃ne naʉ̃bara bia ẽãrã o ẽbasia.