Lucas 22:70 - Porciones del Nuevo Testamento

⁷⁰ Mawũãĩ jõmaʉ̃ba mawũãsidꞌa: ¿Aramaʉ̃nerã bʉra Daizeze Warrakꞌa? Mawũãnaĩ izhara mawũãsia: Ara mazha jarabʉda mʉrã maʉ̃ta.

Lucas 22:70 Kruisverwysings

Mateo 26:25

Mawũãĩ Judabara zhi chãbꞌariibara mawũãsia: ¿Miã Ũrãgꞌabari, mʉka? Mawũãĩ Jesúsbara mawũãsia: Ara bʉzha jarabʉrʉa.

Mateo 26:64

Mawũãĩ Jesúsbara mawũãsia: Ara bʉzha jarabʉrʉa. Mawũẽ mʉã marãã jaraya, idꞌidꞌeba marãbara ũdudꞌaya mʉ Beubari Bape bꞌʉra Daizeze zhi zroma juwua araare jewedꞌa bꞌʉta, jãrãrãne zebʉrʉta ʉ̃treba.

Mateo 27:11

Jesús edau nʉmasia nokꞌo Pilato kĩrãbita, maʉ̃bara widꞌi mawũãsia: ¿Bʉra Rey judíorãneka? Mawũãĩ Jesúsbara mawũãsia: Ara bʉzha jarabʉrʉa.

Mateo 27:43

Daizezeta krĩcha bꞌʉa, mawũẽ Daizezeba kʉãgꞌabʉrʉ aramaʉ̃ta kꞌarebaya. Maʉ̃ẽnabema izhara mawũãsia: Mʉrã Daizeze Warra.

Mateo 27:54

Soldaorã nokꞌoba soldaorã bawarauba Jesústa kĩrãkuita bꞌedꞌe ẽjũã ureta ũdubʉdadꞌe, mawũã berabꞌaribʉrʉta ũdudꞌai kꞌãbãẽã perabʉdaba mawũãsidꞌa: Naʉ̃ wãrĩnu Daizeze Warra basia.

Mateo 3:17

Maʉ̃ne Daizezeta bãjãneba bedꞌeabʉrʉta mawũãsia: Naʉ̃ mʉ Warra mʉãrã kʉãgꞌa, mʉrã izhi kꞌarea sobia bꞌʉa.

Mateo 4:3

Maʉ̃ne wãẽãbii kꞌarea ãtõmiã izhima zepe mawũãsia: Bʉta Daizeze Warrabʉrʉ mongꞌara za tabꞌea jaradua pan bakuamarẽã.

Marcos 14:62

Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.

Marcos 15:2

Mawũẽ Pilatobara widꞌi mawũãsia: ¿Bʉra Rey judíorãneka? Mawũãĩ Jesúsbara panaʉ̃ mawũãsia: Ara bʉzha jarabʉrʉa.

Lucas 22:71

Mawũãĩ ãzhara mawũãsidꞌa: ¿Izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe? Jipa dazhirãba ũrĩbʉda izhi idꞌeba.

Lucas 23:3

Mawũãnaĩ Pilatobara widꞌi mawũãsia: ¿Bʉra Rey judíorãneka? Mawũãĩ izhara panaʉ̃ mawũãsia: Ara bʉzha jarabʉrʉa.

Lucas 4:41

Jaisidꞌa zhãrã biodꞌeba ãĩ wãbʉdata nemi jĩgua mawũãsidꞌa: ¡Bʉra Daizeze Warra! Mawũãmina izhara kẽãkuasia, aramaʉ̃ne bedꞌeabiga ẽbasia kꞌawua bꞌeba izhira zhãrã Ẽdrʉbita.

Juan 1:34

Mawũã jaradꞌata mʉãrã izhira ũdubʉrʉa, mawũẽ mʉãrã jarabʉrʉa naʉ̃ Daizeze Warrata.

Juan 1:49

Mawũãĩ Natanaelbara mawũãsia: Miã Ũrãgꞌabari, bʉra Daizeze Warra, bʉra Israel duanu Rey.

Juan 10:30

Mʉrã mʉ Zeze ũme abꞌaʉta panʉã.

Juan 10:36

¿Maʉ̃ne mʉrã mʉ Zezeba jʉrʉpe naʉ̃ ẽjũãẽna zokꞌadꞌata, marãbara bʉra Daizezema mitia bedꞌeabʉrʉa abʉda ẽka, bari mʉã jarabʉrʉdꞌeba mʉrã Daizeze Warrata?

Juan 18:37

Mawũãĩ Pilatobara mawũãsia: ¿Mobera bʉra Reyka? Mawũãĩ Jesúsbara panaʉ̃ mawũãsia: Ara bʉzha jarabʉrʉa mʉrã Reyta. Mʉrã maʉ̃ kꞌarea tobʉdata naʉ̃ ẽjũãẽna zesia wãrãta jaraita. Wãrãnebemata bꞌebara ũrĩ bꞌea mʉ bedꞌeara.

Juan 19:7

Mawũãĩ judíorãbara panaʉ̃ mawũãsidꞌa: Daibara erubꞌea ũrãgꞌata, mawũẽ dai ũrãgꞌaba jara bꞌʉdꞌera beuibara izhikusa Daizeze Warradꞌe bꞌʉdꞌeba.