Lucas 22:37 - Porciones del Nuevo Testamento

³⁷ Mʉã marãã jaraya, mʉnebemata wadꞌi arimaẽ berabꞌarii bara zhi bꞌʉmata mawũã bꞌʉta: Abꞌarika edasidꞌa bia ẽã omiãrã bawara. Aramaʉ̃ne mʉnebemata bꞌʉ tabꞌʉra arimaẽ berabꞌariya.

Lucas 22:37 Kruisverwysings

Marcos 15:27

Izhi bawara nezrʉgamiãrã ũme cruzdꞌe kꞌachisidꞌa, abꞌa juwua araare, abꞌa juwua ãkꞌaare.

Marcos 15:28

Aramaʉ̃ne arimaẽ berabꞌarisia zhi bꞌʉmata mawũã bꞌʉta: Kꞌazhirua omiãne edasidꞌa kꞌazhirua omiãrã bawara.

Lucas 18:31

Jesúsbara doce izha jʉrʉkuadꞌata awuara jʉre edape mawũãsia: Dazhirã wãrĩze wã Jerusalén pʉwʉrʉedꞌa, aranaʉ̃ne arimaẽ berabꞌariya Daizezeba bedꞌeata jarabibarirãba bꞌʉdꞌapeadꞌata mʉ Beubari Bape bꞌʉdꞌebemata.

Lucas 22:22

Wãrãnebai mʉ Beubari Bape bꞌʉra sãwũã berabꞌarii bꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra!

Lucas 22:36

Mawũãnaĩ mawũãsia: Idꞌira zũbi erubꞌʉbara ataurua, wũãbisidꞌa ataurua, kucho ne ẽã bꞌʉbara bʉzhi wuata nendope edarua abꞌa.

Lucas 22:52

Mobebʉrʉ Jesús bedꞌeabʉrʉta, sacerdoterã nokꞌorãta, nokꞌorã Daizeze de akʉbadata, nokꞌorãta izhi ededꞌaita zebʉdaa mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa?

Lucas 23:32

Jesús bawara dewara ũme edesidꞌa bia ẽã omiãrãta beadꞌaita.

Lucas 24:27

Mobebʉrʉ Moiséba bꞌʉdꞌadꞌeba, Daizezeba bedꞌeata jarabibarirãba bꞌʉdꞌapeadꞌadꞌeba sãwũãta bia jarakꞌasia. Maʉ̃nerã zhi bꞌʉma jõmaʉ̃neba jarasia izhidꞌebemata jara tabꞌeta.

Juan 10:35

Mawũã dai zezerãta jarasia izha bedꞌeata jarakꞌadꞌata, maʉ̃ta zhi bꞌʉmarã mawũã ẽã abꞌedꞌa ẽã.

Juan 17:4

Mʉãrã bʉra zhi zromata kꞌawuabiga nʉmʉã naʉ̃ druadꞌe, aramaʉ̃ne mʉãrã jõbibʉrʉa kꞌãrẽ omarẽã bʉa mʉãã diadꞌata.