Lucas 2:11 - Porciones del Nuevo Testamento

¹¹ Idꞌi rey David pʉwʉrʉdꞌe tosia zhãrã Ẽdrʉbita, izhira zhãrã ẽdrʉbita Nokꞌoa.

Lucas 2:11 Kruisverwysings

Mateo 1:16

Jacobo warra José, Joséra María kĩma basia, Jesúra Maríaba todꞌata zhãrã Ẽdrʉbia abada.

Mateo 1:21

Maríabara zhũmakĩrãta toya, maʉ̃ bʉara Jesústa trʉ̃gadua, trʉ̃ mawũã bꞌaya izhidꞌerãta ẽdrʉbigai baera ãzhi kꞌazhiruadꞌeba.

Mateo 16:16

Mawũãĩ Simón Pedroba panaʉ̃ mawũãsia: Bʉra zhãrã Ẽdrʉbita Daizeze zokꞌai bꞌʉ Warra.

Mateo 16:20

Mobebʉrʉ izha jʉrʉkuadꞌaa jarasia miõã jaradꞌa ẽbamarẽã Jesúra izhita zhãrã Ẽdrʉbita.

Lucas 1:43

¿Mʉtrʉ kꞌaipe kꞌãwũã mʉ Nokꞌo papaba mʉ akʉdꞌe zebʉrʉra?

Lucas 1:69

Dazhirãĩta zhi zromata piradrʉbibʉrʉa zhãrã Ẽdrʉbita, izhi nezokꞌa rey Davidꞌeba uruta.

Lucas 2:26

Jawurebiaba zhi jarama basia izhira beu ẽãta izha ũdu ẽwedꞌara zhãrã Ẽdrʉbita Daizezedꞌeta.

Lucas 2:4

Maʉ̃ba Joséra Galilea druadꞌeba Nazaret pʉwʉrʉdꞌeba wãrĩzesia Judea druaedꞌa. Rey David todꞌa pʉwʉrʉta Belén abadaidꞌu wãrĩzesia rey Davidꞌeba uruta bꞌasi baera.

Juan 1:41

Andrésbara naara zhi mebea Simónta jʉrʉ wãpe ũdui mawũãsia: Daibara ũdusidꞌa zhãrã Ẽdrʉbira.

Juan 1:45

Felipebara Natanael jʉrʉ wãpe ũdui mawũãsia: Daibara ũdusidꞌa jari Moiséba ũrãgꞌadꞌe bꞌʉdꞌara, jari Daizezeba bedꞌeata jarabibarirãba jara bꞌʉdꞌapeadꞌara. Izhira Jesúa, José warra Nazaredꞌebema.

Juan 11:27

Mawũãĩ izhara mawũãsia: Ããjã Nokꞌó, mʉãrã ĩjã bꞌʉa bʉra zhãrã Ẽdrʉbita Daizeze Warrata zesia naʉ̃ ẽjũãẽna.

Juan 20:31

Mawũãmina naʉ̃ bꞌʉsidꞌa ĩjãnamarẽã Jesúra zhãrã Ẽdrʉbita Daizeze Warrata. Maʉ̃ta ĩjãbʉdaba izhikꞌareuba erubꞌeamarẽã Daizeze ũme bꞌai jõ ẽãta.

Juan 4:25

Mawũãĩ wũẽrãbara mawũãsia: Mʉã kꞌawua bꞌʉa zhãrã Ẽdrʉbiira zeita, izhi zebʉrʉdꞌera daia bia jarakꞌaya ne jõma.

Juan 4:42

Maʉ̃nerã wũẽrãã mawũãsidꞌa: Daibara ĩjã kꞌopanʉ ẽã bari bʉa jarabʉrʉdꞌeba, awuarabʉrʉ izhi bedꞌeara jipa daiba ũrĩbʉda, mawũẽ kꞌawuabʉda naʉ̃ wãrĩnu ẽjũãne zhãrã bꞌeta Ẽdrʉbiita.

Juan 6:69

Maʉ̃ daibara ĩjã bꞌea, aramaʉ̃ne daiba kꞌawua bꞌedꞌera bʉra zhãrã Ẽdrʉbita Daizeze zokꞌai bꞌʉ Warra.

Juan 7:41

Waya ʉ̃kʉrʉbara mawũãsidꞌa: Naʉ̃ zhãrã Ẽdrʉbia. Mawũãmina ʉ̃kʉrʉbara mawũãsidꞌa: ¿Galileadꞌebara ʉ̃tʉ zeita bꞌʉka zhãrã Ẽdrʉbiira?

Hechos 10:36

Daizezebara Israel bꞌea bedꞌeata jarabuebʉrʉta bedꞌea biata adu-a bꞌeaidꞌebemata jarasia Jesucristodꞌeba, maʉ̃ta jõmaʉ̃ Nokꞌoa.

Hechos 13:23

Davidꞌeba uruta izha jaradꞌadꞌe Daizezebara Jesús bꞌʉsia Israel bꞌe Ẽdrʉbita.

Hechos 17:3

Zhi bꞌʉmaneba bia jarakꞌasia zhãrã Ẽdrʉbira zuburiaidꞌe bꞌasita, beudꞌata piradrʉidꞌe bꞌasita. Maʉ̃nerã mawũãsia: Jesús mʉã marãã jarakꞌa bꞌʉra zhãrã Ẽdrʉbia.

Hechos 2:36

Maʉ̃neba Israel bꞌebara jõmaʉ̃ba wãrĩnuta kꞌawuaudua, maʉ̃ Jesús marãba cruzdꞌe kꞌachidꞌapeadꞌara Daizezebara Nokꞌota bꞌʉsia zhãrã Ẽdrʉbita.

Hechos 5:31

Jesús Daizezebara izhi juwua araare Nokꞌota bꞌʉsia zhãrã Ẽdrʉbita. Aramaʉ̃ne Israel bꞌebara kꞌazhiruara ãmape izhita pẽwãbʉdaba bedꞌea ne ẽã duanebiita kꞌazhiruata biodꞌeba.