Lucas 18:21 - Porciones del Nuevo Testamento

²¹ Mawũãĩ izhara mawũãsia: Mʉãrã maʉ̃ jõma aribꞌae bꞌʉa kũrã wedꞌauba.

Lucas 18:21 Kruisverwysings

Lucas 15:29

Mawũãĩ izhara panaʉ̃ zhi zezea mawũãsia: Año bio babʉrʉa mʉrã bʉita traja bꞌʉta, bʉa jarabʉrʉra mʉãrã aribꞌae ẽã nʉmakꞌa. Maʉ̃ta bʉara diakꞌa miã chivo zakesidꞌa mʉta sobiaira mʉ ũme zhibiarã bawara.

Lucas 15:7

Mʉã marãã jaraya, aramaʉ̃ kĩrãkꞌa ʉ̃trera audre sobiadꞌaya kꞌazhirua omiã abꞌaʉba kꞌazhiruara ãmabʉrʉta Daizezeta pẽwãbʉrʉ kꞌarea. Noventa y nueve biarãta Daizeze pẽwã bꞌe kꞌãñabara.

Lucas 18:20

Daizezeba aribꞌaemarẽã jara bꞌʉra bʉara kꞌawua bꞌʉta mawũã bꞌʉa: Kĩma ẽãta erukꞌãĩrãrũã. Miã bearãrũã. Nezrʉgarãrũã. Zhãrã ʉ̃rʉ̃ sewa nebʉrʉrãrũã. Wawiarua bʉ zezera bʉ papara.

Lucas 18:22

Maʉ̃ta ũrĩĩ Jesúsbara mawũãsia: Bʉara wadꞌi ne abꞌa aribꞌaeita wãẽã bꞌʉa. Bʉa ne erubꞌʉta jõma nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.