Lucas 18:13 - Porciones del Nuevo Testamento

¹³ Waya rey Romanebemaĩta plata widꞌibarira wawara nʉmepe miã ʉ̃taa akʉ krĩña ẽbasia, awuarabʉrʉ trũã neãchi mawũãsia: Daizeze, mʉrã sozuburiarua, mʉrã kꞌazhirua omiã.

Lucas 18:13 Kruisverwysings

Mateo 10:3

Felipeta, Bartolomé, Tomás, Mateo impuesto widꞌi bꞌadꞌata, Jacobo Alfeo warrata, Lebeo ijaramiã trʉ̃ta Tadeota.

Mateo 6:5

Bʉ zhiwidꞌibʉrʉdꞌera sewa bibaʉta bꞌe kĩrãkꞌa bꞌarãrũã. Ãzhira ʉ̃ta zhiwidꞌi krĩñadea, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea bari zhãrãba ũdudꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 9:13

Mawũẽ wãũdua, mobe sãwũãta kꞌawaudua Daizezeba mawũãnata: Mʉãrã krĩña bꞌʉa zhãrã sozuburia bꞌeaita mʉĩta nendʉwʉrʉta babue bꞌeai kꞌãñabara. Daizezeba mawũãnaneba mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Marcos 11:25

Marã zhiwidꞌi kꞌobꞌedꞌera bedꞌea ne ẽãne edaudua iabꞌaʉ bawara bĩ ẽã bꞌebʉrʉ, marã Zeze ʉ̃tre bꞌʉbidꞌa marã bedꞌea ne ẽã bꞌʉkuamarẽã marãba bia ẽãta odꞌapeadꞌata biodꞌeba.

Lucas 17:12

Maʉ̃ne pʉwʉrʉ zakedꞌe edꞌa wãbʉrʉdꞌera daucha zesia ũmakĩrãrã diez aidꞌaba bꞌeta, maʉ̃rã jĩga kꞌopanepe,

Lucas 22:41

Mobe izhira ãzhi maẽbara arajĩga wãpe sãkꞌokꞌodꞌe kꞌobꞌepe zhiwidꞌibʉrʉta,

Lucas 23:48

Kꞌabanata mama kꞌobꞌebara jõmaʉ̃ba mawũã berabꞌaribʉrʉta ũdudꞌai, jẽrũya wãsidꞌa sopuaba trũã neãchi.

Lucas 5:8

Maʉ̃ta Simón Pedroba ũdui Jesús kĩrãbita sãkꞌokꞌodꞌe kꞌobꞌepe mawũãsia: Nokꞌó, mʉ maẽbara ãĩ wãrũã, mʉrã kꞌazhirua omiãta bꞌʉa.

Hechos 2:37

Maʉ̃ta ũrĩnaĩ sopuadꞌape Pedroa dewaraurã Jesúsba zokꞌakuadꞌarãã mawũãsidꞌa: Mebẽrã, ¿daibara kꞌãrẽta odꞌaipe?

Romanos 5:8

Mawũãmina Daizezebara izha dazhira kʉãgꞌata kꞌawuabibʉrʉta wadꞌi kꞌazhirua omiãta bꞌedꞌe Cristota beubisia dazhibari.