Lucas 17:20 - Porciones del Nuevo Testamento

²⁰ Fariseorãbara Jesúa widꞌisidꞌa Daizezeta Nokꞌodꞌebema sõmbedꞌe zeita, mawũẽ panaʉ̃ mawũãsia: Daizezeta Nokꞌodꞌebema ze ẽã dajada ũdu.

Lucas 17:20 Kruisverwysings

Lucas 10:11

Egoro jarra marã pʉwʉrʉdꞌebema dai jẽrũma kꞌaradꞌara daibara niãwedꞌaya marã Daizezeba pua kꞌawua oidꞌebemata. Mawũãmina kꞌawuaudua, Daizezeta Nokꞌodꞌebema marã kꞌaita basia.

Lucas 14:1

Ẽnaʉ̃bada ewade ewari abꞌa Jesús nekꞌodꞌe wãsia fariseo nokꞌota bꞌʉ dedꞌa. Maʉ̃nerã fariseorãbara kĩrãkuitasidꞌa.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Lucas 19:11

Maʉ̃ta ãzha ũrĩ kꞌobꞌedꞌe Jesúsbara ne jarasia, maʉ̃nerã Jerusalén kꞌaita basi baera ãzhara krĩchasidꞌa Daizezeta Nokꞌodꞌebema zeita aramaʉ̃ta.

Juan 18:36

Mawũãĩ Jesúsbara panaʉ̃ mawũãsia: Mʉrã naʉ̃ ẽjũãne Reyta bꞌaidꞌebema ẽã. Mʉta naʉ̃ ẽjũãne Reyta bꞌaidꞌebemabʉrʉ mʉta aribꞌae bꞌera zhõkꞌausidꞌa mʉta chãbꞌaridꞌa ẽbamarẽã judíorãã. Mawũãmina mʉrã nama Reyta bꞌaidꞌebema ẽã.