Lucas 16:3 - Porciones del Nuevo Testamento

³ Mawũãĩ ne akʉbarira izhikusa mawũãsia: ¿Mʉã kꞌãrẽta oi baraba? Mʉ nokꞌobara jãrĩña mʉ ne akʉ bꞌʉra. Traja ne kꞌoruira mʉãrã bꞌe ẽã, ne widꞌiira mʉrã pera.

Lucas 16:3 Kruisverwysings

Mateo 20:8

Keubʉrʉdꞌera uva zhibaribara trajabada nokꞌoa mawũãsia: Trajabadara trʉ̃kuape pagꞌadua ãzhi jornal. Naara diadua tẽã zekuadꞌaa, mobebʉrʉ diadua naara zekuadꞌaa.

Marcos 10:46

Jericó pʉwʉrʉedꞌa zekuape Jericódꞌeba Jesús izha jʉrʉkuadꞌa bawara wãbʉrʉdꞌera kꞌabanata kꞌaidꞌu wãsidꞌa, maʉ̃ne Bartimeo daʉbꞌerrea bꞌʉta Timeo warrata o kꞌaita jewedꞌa bꞌʉta nebari widꞌi bꞌasia.

Lucas 12:17

Mawũẽ izhikusa krĩcha mawũãsia: ¿Mʉã kꞌãrẽta oipe? Mʉã sãma wuagꞌaira ne ẽã mʉrẽ ne zaudꞌara.

Lucas 16:2

Mawũẽ trʉ̃pe mawũãsia: ¿Bʉdꞌebemata mʉã ũrĩbʉrʉra kꞌãrẽpe? Mʉãã jaradua bʉa ne akʉ nʉmʉnebemata, bʉra wueta ne akʉbarita bꞌa ẽã.

Lucas 16:20

Maʉ̃ne zuburia bꞌʉta bꞌasia Lázaro abadata, maʉ̃ puerta maẽ jewedꞌa bꞌidꞌa bazhia kʉkʉba bira bꞌʉta.

Lucas 16:22

Nʉmʉne zuburia bꞌʉra beubʉrʉdꞌera ángelerãba edesidꞌa Abraham bꞌʉ maẽ. Nʉmʉne bara bꞌʉsidꞌa beubʉrʉdꞌera wuagꞌasidꞌa.

Lucas 16:4

Mʉã ya kꞌawuabʉrʉa kꞌãrẽ oira, kꞌãwũãrã mʉ ne akʉ bꞌʉta jãrĩbʉdadꞌera zhãrãba mʉ ãzhi dedꞌa bia edadꞌaya.

Lucas 18:4

Izhara aribꞌae krĩña ẽã bꞌʉta ewari bio basia, mawũãmina maʉ̃ tẽã izhikusa mawũãsia: Mʉãrã Daizezera wawi ẽmina, miã zhãrã wawi ẽmina,

Juan 9:8

Mawũẽ arakꞌaita bꞌebara naara daʉbꞌerrea bꞌʉta akʉ bꞌeadꞌabara mawũãsidꞌa: ¿Naʉ̃ ẽka jewedꞌape nebari widꞌi bꞌadꞌara?

Hechos 3:2

Maʉ̃ne ũmakĩrãta bꞌasia wã bꞌe ẽã todꞌata, izhira wedꞌape ewariza bꞌʉbazhidꞌa Daizeze deta puerta Kĩrãwãrẽã abada maẽ. Mawũã bꞌʉbazhidꞌa Daizeze dedꞌa edꞌa wãbʉdaa plata widꞌimarẽã.

Hechos 9:6

Mawũãĩ Saulobara peraba ure mawũãsia: Nokꞌó, ¿bʉara mʉã kꞌãrẽta oita krĩñape? Mawũãĩ Nokꞌobara mawũãsia: Piradrʉpe pʉwʉrʉedꞌa wãrũã, mama jaradꞌaya bʉa kꞌãrẽ oita.