Lucas 14:3 - Porciones del Nuevo Testamento

³ Jesús bedꞌeabʉrʉta ũrãgꞌa Moisédꞌe jarabadaa fariseorãã mawũãsia: ¿Zhãrã bꞌebisia bꞌʉka ẽnaʉ̃bada ewadera?

Lucas 14:3 Kruisverwysings

Mateo 12:10

Mama iabꞌa bꞌasia juwua abꞌa bagu bꞌʉta. Maʉ̃nerã Jesús jidꞌai kꞌarea widꞌi mawũãsidꞌa: ¿Zhãrã bꞌebisia bꞌʉka ẽnaʉ̃bada ewadera?

Mateo 12:2

Maʉ̃ta fariseorãba ũdudꞌai mawũãsidꞌa: Bʉa jʉrʉkuadꞌabara obʉda ẽnaʉ̃bada ewade oidꞌe bꞌʉ ẽãta.

Mateo 22:35

Mobe ãzhidꞌebema abꞌa ũrãgꞌa Moisédꞌe jarabariba wãẽãbii kꞌarea widꞌi mawũãsia:

Marcos 3:4

Mawũãpe mawũãsia: ¿Biara osia bꞌʉka ẽnaʉ̃bada ewadera, o bia ẽãta osia bꞌʉ? ¿Zhãrã kꞌarebasia bꞌʉka, o beubiita bia bꞌʉ? Mawũãbʉrʉdꞌera ãzhira chupea kꞌobꞌeasia.

Lucas 14:2

Maʉ̃ne izhi kĩrãbita bꞌasia ũmakĩrã oroba kꞌaya bꞌʉta.

Lucas 14:4

Mawũãĩ ãzhira chupea kꞌobꞌeasia. Mawũẽ Jesúsbara kꞌayara jidape bꞌebipe wãbisia.

Lucas 6:9

Mobebʉrʉ Jesúsbara mawũãsia: Mʉã marãã widꞌiya: ¿Ẽnaʉ̃bada ewadera biara osia bꞌʉka, o bia ẽãta osia bꞌʉ? ¿Zhãrã kꞌarebasia bꞌʉka, o beubiita bia bꞌʉ?

Juan 7:23

Mawũã ẽnaʉ̃bada ewadebidꞌa warra zakera kꞌakua eta kꞌõbada Daizezeba ũrãgꞌa Moiséa diadꞌata aribꞌaedꞌai kꞌarea, ¿maʉ̃ta marã mʉ bawara kĩrũ duanuka ẽnaʉ̃bada ewade mʉã jipa bꞌebibʉrʉba zhãrãta?