Lucas 13:35 - Porciones del Nuevo Testamento

³⁵ Mawũẽ Daizezebara marã pʉwʉrʉra kenabꞌariya. Mʉã marãã jaraya, marãbara mʉrã ũdudꞌa ẽbaya ewarita zeyeedꞌa marãba mawũãnaĩta: Ibia jaradꞌaya Daizezedꞌeba urura.

Lucas 13:35 Kruisverwysings

Mateo 21:9

Zhãrãbara na wãba tẽã uruba nemi jĩgua mawũãsidꞌa: ¡Bʉra ibia jaradꞌaya rey Davidꞌeba urura! ¡Ibia jaradꞌaya Daizezedꞌeba zebʉrʉra! ¡Daizezera ibia jaraudua ʉ̃trera! (Salmos 118:25-26)

Mateo 23:37

¡Jerusalén, Jerusalén, marãbara Daizezeba bedꞌeata jarabibarirã bea bꞌea, mongꞌaraba tabꞌari bea bꞌea marãma zokꞌakuabʉrʉra! ¡Mʉã marã biodꞌe ãba jʉre krĩñasia eterreba zhi warrarãta i edre ãba jʉrebari kĩrãkꞌa, mawũãmina marãbara krĩñana ẽbasia!

Lucas 19:41

Aramaʉ̃ne Jerusalén kꞌaita zebʉrʉdꞌera akʉ maʉ̃ pʉwʉrʉ kꞌarea jẽgabʉrʉta,

Lucas 21:24

Ʉ̃kʉrʉ kuchoba beadꞌaya, ʉ̃kʉrʉ jidadꞌape druaza ededꞌaya. Aramaʉ̃ne Jerusalén judíorã ẽãba edre erubarabꞌaya Daizezeba bꞌʉdꞌa ewarita arabayeedꞌa.

Juan 12:13

Mawũẽ pãrãrã kiduata tʉdꞌape kĩrãzhu wãsidꞌa, maʉ̃nerã nemi jĩgua mawũãsidꞌa: ¡Daizezera ibia jaradꞌaya! ¡Ibia jaradꞌaya Daizezedꞌeba zebʉrʉra, izhira Rey Israel bꞌedꞌea! (Salmos 118:25-26)