Lucas 13:16 - Porciones del Nuevo Testamento

¹⁶ Naʉ̃ wũẽrã Abrahamneba uruta, ãtõmiãba jʉ̃ erubꞌʉta dieciocho año bara, ¿kꞌãwũã ẽnaĩne bꞌasi ẽka ẽnaʉ̃bada ewade?

Lucas 13:16 Kruisverwysings

Mateo 4:10

Mawũãĩ Jesúsbara mawũãsia: Ãtõmiã wãrũã, maʉ̃ẽnabemata zhi bꞌʉmata mawũã bꞌʉa: Bʉ Nokꞌo Daizezetrʉ ibia jaradua, izhi bedꞌeatrʉ aribꞌaedua. (Deuteronomio 6:13)

Marcos 2:27

Mawũãpe dewara mawũãsia: Ewari ẽnaʉ̃badara osidꞌa zhãrã biaitabemata, zhãrã odꞌa ẽbasia ewari ẽnaʉ̃badata aribꞌae nʉmaĩta.

Lucas 16:24

Mawũẽ izhara nemi jĩgua mawũãsia: Zeze Abraham, mʉrã sozuburiarua, Lázarota zokꞌadua juwua jĩwĩni baniãne ũ edape mʉ kĩrãme kũrãdrʉdꞌe zemarẽã. Mʉrã zuburia nʉmʉã naʉ̃ tebʉdꞌe.

Lucas 19:9

Mawũãĩ Jesúsbara mawũãsia: Naʉ̃ dedꞌabema idꞌi ẽdrʉbʉda naʉ̃sidꞌa Abrahamneba uruta bꞌʉba.

Lucas 3:8

Mawũẽ dajada kꞌazhiruara ãmape bꞌeta Daizezeta pẽwã bꞌeaudua. Mazhi sobitabaiba Daizezebara pua kꞌawua o ẽãta jarabʉdata Abrahamta mazhi zezeta erubꞌea arãũdua. Mʉã marãã jaraya, Daizezebara Abraham warrarã babi bꞌeya mongꞌara za tabꞌesidꞌa.

Juan 8:44

Marã mazhi zeze ãtõmiãneã, mawũẽ mazhi zezeba krĩñata okrĩña bꞌea. Jẽde wedꞌauba izhira miã beamiãta bꞌʉa, wãrãnebemane bꞌʉ ẽãba wãrãta jarakꞌa. Sewata jara bedꞌeabʉrʉdꞌera izhi bꞌʉdꞌe bedꞌea bꞌʉa. Aramaʉ̃ne sewa nebʉrʉmiãba sewadꞌebema zezea.

Hechos 13:26

Mebẽrã, marã Abrahamneba uruta bꞌema, judío ẽãta marãne edꞌa bꞌeta Daizeze wawia bꞌema maʉ̃ bedꞌeata zokꞌasia ẽdrʉidꞌebemata.