Lucas 12:5 - Porciones del Nuevo Testamento

⁵ Mawũãmina kꞌaitrʉ wawiadꞌaita mʉã marãã jaraya: Daizezetrʉ wawiaudua, zhãrã beubipe jawure tebʉdꞌe bꞌaribuei zareata erubꞌʉa. Mʉã marãã jaraya, izhitrʉ wawiaudua.

Lucas 12:5 Kruisverwysings

Mateo 10:28

Wawiarãũdua kꞌakua bea bꞌeta, maʉ̃rãbara jawurera bea bꞌedꞌa ẽã. Awuarabʉrʉ Daizezeta wawiaudua, izhara jawureta kꞌakuata zuburiabi bꞌeya tebʉdꞌe.

Mateo 25:41

Mobebʉrʉ mʉãrã juwua ãkꞌaare kꞌobꞌea mawũãña: Marã ãĩ wãũdua mʉ maẽbara, marã Daizezeba bia edabʉrʉ ẽãrã wãũdua tebʉ kikꞌama, tebʉra zhi aribꞌaemata nʉmʉã ãtõmiãĩta izhi ángelerãĩta.

Mateo 25:46

Maʉ̃rã wãña zuburiata jõ ẽãma, waya biata bꞌera wãña Daizeze ũme bꞌai jõ ẽãma.

Mateo 5:22

Mawũãmina mʉã marãã jaraya, iabꞌa zhi mebea ũme kĩrũbʉrʉra Daizezeba pua kꞌawua oya. Iabꞌaʉba zhi mebeata krĩcha ne ẽã bꞌaribꞌʉa abʉrʉra nokꞌorã wagꞌaurãba pua kꞌawua odꞌaya. Iabꞌaʉba zhi mebeata ikꞌazhirua jarabʉrʉra wãbidꞌaya tebʉ pureadꞌe.

Marcos 13:23

Mawũẽ marã kĩrãkuita bꞌeaudua, mʉãrã maʉ̃ta jõma marãã jarabʉrʉa nawedꞌa.