Lucas 12:47 - Porciones del Nuevo Testamento

⁴⁷ Maʉ̃ nezokꞌabara izhi nokꞌoba kꞌãrẽ krĩñata kꞌawua bꞌʉta kĩrãkuita ẽãba izha krĩñata o ẽbadꞌara bio uya.

Lucas 12:47 Kruisverwysings

Lucas 12:41

Mobebʉrʉ Pedroba mawũãsia: Nokꞌó, ¿bʉa maʉ̃ jarabʉrʉra bari daia jarabʉrʉka, o jarabʉrʉ jõmaʉ̃ã?

Lucas 12:46

maʉ̃ nezokꞌa nokꞌora zeya izha jʉ̃ã bꞌʉ ẽã ewade, izha kꞌawua ẽã ʉ̃madaudꞌe, mobe abꞌaedꞌa puoya, mobe bꞌʉya ne aribꞌae duanu ẽã bawara.

Juan 12:48

Mʉta seribi ẽãba mʉ bedꞌeata ĩjã ẽãbara erubꞌʉa kꞌaiba pua kꞌawua oira, bedꞌeata mʉã jara nʉmʉba maʉ̃neba Daizezeba kꞌawua oya ewari jõbʉrʉdꞌe.

Juan 19:11

Mawũãĩ Jesúsbara panaʉ̃ mawũãsia: Bʉa mʉrã kꞌãrẽ sãwũã ẽbakꞌausia ʉ̃treba kꞌãwũã idaribi ẽbasibʉrʉ. Mawũẽ mʉta bʉ juwuadꞌe chãbꞌaridꞌatrʉ bʉ audre kꞌazhirua barasia.

Juan 9:41

Mawũãnaĩ Jesúsbara panaʉ̃ mawũãsia: Daizezedꞌebemata ũdu ẽã bꞌebʉrʉ kꞌazhirua ne ẽã bꞌeakꞌausia. Mawũãmina ũdu bꞌea abꞌeba marãne kꞌazhiruara ari nʉmʉã.

Hechos 17:30

Mawũãmina Daizezebara nawedꞌara idaribisia izhidꞌebema kꞌawuadꞌa ẽãba kꞌãwũã bꞌera, idꞌibai baridu maẽ zhãrã jõmaʉ̃ã jara bꞌʉa kꞌazhiruara ãmape izhita pẽwãnamarẽã.