Lucas 12:30 - Porciones del Nuevo Testamento

³⁰ Maʉ̃ jõmaʉ̃ kꞌarea sopua bꞌea Daizezedꞌebema ẽãta ẽjũãne bꞌera. Mawũãmina marã Zezebara kꞌawua bꞌʉa marãbara maʉ̃ jõma nesidꞌa bꞌeta.

Lucas 12:30 Kruisverwysings

Mateo 10:20

Aramaʉ̃nerã marãta bedꞌea ẽã, awuarabʉrʉ Jawurebia marã Zezedꞌeta bedꞌeaya marãneba.

Mateo 18:14

Aramaʉ̃ kĩrãkꞌa marã Zeze ʉ̃tre bꞌʉbara krĩña ẽã iabꞌa aduaira za wĩka kedꞌeta.

Mateo 5:47

¿Bari mazhi mebẽrãtrʉ saluda bꞌeaibʉrʉ kꞌãrẽ biata obꞌe? ¿Mawũã duanu ẽka Daizezedꞌebema kꞌawuadꞌa ẽãsidꞌa?

Mateo 6:1

Kĩrãkuitaudua, marãba biata obʉdara zhãrã kĩrãbita orãũdua bari zhãrãba ũdudꞌamarẽã. Bari maʉ̃ kꞌarea odꞌaibʉrʉ kꞌãrẽ dia ẽã marã Zeze ʉ̃tre bꞌʉbara.

Mateo 6:32

Daizezedꞌebema kꞌawua ẽã bꞌera maʉ̃ jõmaʉ̃ kꞌarea sopua bꞌea. Mawũãmina marã Zeze ʉ̃trebemabara kꞌawua bꞌʉa marãbara maʉ̃ jõma nesidꞌa bꞌeta.

Mateo 6:8

Marãbara orãũdua ãzhidꞌe kĩrãkꞌara, marã Zezebara kꞌawua bꞌʉ baera marãba kꞌãrẽ nesidꞌa bꞌera, marãba kꞌãrẽ widꞌidꞌai nawedꞌa.

Lucas 12:29

Maʉ̃ba marã sopua bꞌearãũdua kꞌãrẽ kꞌoi kꞌarea, kꞌãrẽ doi kꞌarea, miã sãwũãĩ kꞌawua ẽã bꞌearãũdua.

Lucas 12:31

Maʉ̃ba izha jara bꞌʉta obʉrʉba jʉrʉdua Daizezeta Nokꞌodꞌebemata, mobedꞌeba izhara maʉ̃ jõma marãã diaya.

Lucas 12:32

Marã kꞌabana ẽmina perarãũdua, Daizezebara krĩñasia marãã diaita izhita Nokꞌodꞌebemata.

Juan 20:17

Maʉ̃ne Jesúsbara mawũãsia: Mʉta jiru nʉmerãrũã, mʉrã wadꞌi wãrĩze ẽã mʉ Zezema, mawũẽ mʉ mebẽrãma wãpe jaradua: Mʉrã wãrĩzeita mʉ Zezema, marã Zezema, mʉ Zhibarima, marã Zhibarima.